Былырыын бэстибээлгэ «Ыччат бастыҥ оройуона» номинацияны олохтообуттара. Ол курдук, Мэҥэ Хаҥалас уонна Булуҥ оройуоннара ааттаммыттара. Мэҥэ Хаҥалас 2 мөл.солкуобайынан, Булуҥ 1 мөл. солкуобайынан наҕараадаламмыттара.
«Муус устар -2024» ыччат бэстибээлигэр бэлэмнэниигэ анаммыт пресс-кэмпириэнсийэҕэ хайдах бэлэмнэмиттэрин сэһэргээтилэр. «Улууспутугар сүүмэрдээһин ыыттыбыт. Сүрүн сыалынан улууспутун көрдөрүү буолар», — диэтэ Мэҥэ Хаҥалас улууһун баһылыгын солбуйааччы Альбина Григорьева.
Кини тыа хаһаайыстыбатын оройуона буолалларын быһыытынан «Эдэр аграрий» куонкуруһу сэргээбиттэрин эттэ.
Булуҥ оройуонун баһылыгын солбуйааччы Владимир Милославскай бу тэрээһин ыччакка бэлиэ түгэнинэн буоларын бэлиэтээтэ.
«Арктикаҕа сүрүн кыһалҕа — күн-дьыл уустуга. Былырыын оҕолор сорох тректэргэ нэһиилэ баттаһан кэлбиттэрэ, хата, куонкурустарга барытыгар кыттыбыттара», — диэтэ Владимир Милославскай.
Ыраах улуустан Дьокуускайга кэлэрбит ыарахан этэ. Онон Саха сирин Бырабыыталыстыбатыгар уонна Ыччат министиэристибэтигэр махтанабыт. Кыайыыбыт биһиэхэ үгүс кыахтары арыйбыта, холобур, инвестицияны тардыыга. Былырыын ыччакка Креативнай индустрия киинин арыйбыппыт. Кыайбыппытын кэннэ Саха сирин Ил Дархана ыччаты кытта көрсүбүтэ», — диэн чопчулаата Владимир Германович.
Быйылгы бэстибээл 10 тахса хайысхалаах.
«Муус устар» бэстибээл пресс-киинэ
Анатолий Шестаков түһэриитэ.
Бүгүн, ахсынньы 21 күнүгэр, өрөбүллээҕи Оһуокайбытыгар Эҥсиэли түмсүүтүттэн инники кэскиллэрбит, ыччаттар киирэн алгыстаах Оһуокай түһүлгэтин…
Оо, улуу көстүү! Очуос таас үрдүттэн харах ыларынан улуу өрүс иэнэ нэлэһийэр, халлааны кытта силбэһэн,…
2023 сыллаахха Былатыан Ойуунускай аатынан Саха тыйаатырыгар үлэлии кэлбит кэнники көлүөнэ “щепкинэцтэри” көрөөччүлэр хайыы үйэ…
Киһи аймах туой иһити неолит кэмиттэн, саҥа таас үйэттэн оҥостор, туттар буолбут. Саха омук даҕаны…
2021 сыллаахха түөрт оҕолоох Даниловтар дьиэ кэргэн Уһук Илиҥҥи ипотека бырагырааматыгар киирсэн уһаайба атыыласпыттара, «Килбиэнстрой»…
Хаһыаппыт бүгүҥҥү ыалдьыта, дьоруойдуу быһыы, бойобуой доҕордоһуу диэн тугун бэркэ билэр, биһиги биир идэлээхпит, кэллиэгэбит,…