Хаартыска: Полина Жергина тиксэриитэ.
Ахсынньы 9 күнэ дойду үрдүнэн Дьоруойдар күннэринэн биллэриллибитэ.
Дьоруойдар күннэрин 1769 сыллаахха Екатерина Торуой ыраахтааҕы саҕалаабыта. Георгий Победоносец «Святой Георгий» орден олохтоон, ахсынньы 9 күнүттэн бигэргэтиллэн бэлиэтэнэр буолбута. Кэнники кэмнэргэ тохтотулла сылдьан баран, 2007 сыллаахтан саҥалыы сөргүтүллэн билигин сыллата ыытыллар буолла.
Дойду сурахтаах, алаас ааттаах дииллэринии биһиги Куокуйбут тыйыс айылҕатынан чочуйан оҥорбут дьонунан-сэргэтинэн аатырар. Биирдэ кэлэн ааһар олоххо ураты суолу-ииһи тэлэр, көлүөнэттэн көлүөнэҕэ дириҥ өйдөбүлү хаалларар хорсун быһыылары оҥорон ааһаллар. Ол курдук 2022 сылтан, байыаннай дьайыы саҕаланыаҕыттан, биһиги нэһилиэкпит уонтан тахса эдэр ыччата Ийэ сир дьоллоох, эйэлээх олоҕун туһугар барбыттара. Ол курдук бастакынан мобилизацияҕа түбэһэн Григорий Иванов ыҥырыллан барта, билигин да Ийэ дойдутун көмүскүү сылдьар. Онтон хантараак түһэрсэн Максимов Михаил Андреевич, Слепцов Борис Борисович, Павлов Айал Егорович сылдьыбыттара. Дмитрий Павлович Еремеев Донецкай, Луганскай куораттары чөлүгэр түһэриигэ сылдьан кэлбитэ. Бу уолаттарбыт төрөппүттэригэр, «Надежда» иис кэлэктиибигэр олохтоох дьаһалта аатыттан махтал суруктар туттарылыннылар.
2023 сыллаахха от ыйыгар хантараагынан Ийэ дойдутун көмүскүү биир дойдулаахпыт Денис Юрьевич Семенов баран, сыл аҥара сылдьан баран суорума суолламмыта. Денис Юрьевич 7 оҕо амарах, тапталлаах аҕата, кэргэн… Хомойуох иһин, Денис бииргэ төрөөбүт убайа Алексей Семенов бу сайын баран, эмиэ суох буолаахтаабыта. Эдэркээн ыччаппыт Петров Ньургун Евгеньевич аармыйа кэккэтигэр сулууспалыы сылдьан, эмиэ байыаннай дьайыыга түбэспитэ уонна быйыл муус устар ыйтан сураҕа суох сүппүтүнэн ааҕыллар.
Миитиҥҥэ дойдубут туһугар ытык иэстэрин баҕа санаа өттүнэн көмүскээбит уолаттарбытыгар сүгүрүйэн туран, кутурҕан мүнүүтэтэ биллэрилиннэ, сибэкки дьөрбөтүн уурдубут.
Ийэ дойдуга бэриниилээх буолуу холобурун көрдөрбүт уолаттарбытыгар ытыктабылы, тапталы эрэ баҕарабыт. Ыччаттарбыт этэҥҥэ төннөн кэлэллэригэр баҕарабыт. Бу санаабыт туолуохтун!
Полина ЖЕРГИНА.
Куокуй, Кэбээйи улууһа.
Хаартыскалар: Полина Жергина тиксэриилэрэ
Саха сиригэр Мандар Уус 80 сааһын республика киэҥник бэлиэтээтэ. Мандар Ууһу илэ тутан олорон эҕэрдэлээри,…
Уус Алдан улууһун I Өспөх нэһилиэгэр хаарбах дьиэттэн көһөрүү бырагырааматынан икки уопсай дьиэ үлэҕэ киирдэ.…
Арыгы иһэн баран бииргэ олорор дьахтарын кырбаабыт киһиэхэ холуобунай дьыала тэриллибит. 4 №-дээх полиция отделын…
Уус Алдан улууһугар С.С. Васильев-Борогонскай аатынан киин бибилэтиэкэҕэ Улуу Кыайыы 80 сылын, улууска Тыа хаһаайыстыбатын…
2026 сыл тохсунньу 1 күнүттэн үлэни биэрээччи үлэһитин дьиэ кэргэнигэр оҕо төрөөтөҕүнэ, көмө төлөбүрүн биэриэн…
Хотугу төрүт олохтоох аҕыйах ахсааннаах норуоттар маастардарын быыстапката болҕомтону тардар. Төрдүс төгүлүн ыытыллар бырайыак Аҕа…