Хаартыска: Чэмэлиинэ Скрябина тиксэриитэ.
Арассыыйаҕа Ийэ күнүнэн ахсынньы 6 күнүгэр Смарт бибилэтиэкэҕэ Дьокуускай элбэх оҕолоох ийэлэрин сэбиэтин пуорума буолла.
Бу “Дьоллоох эйгэ” сэбиэккэ көхтөөх ийэлэр түмсэн бэйэ-бэйэлэригэр көмөлөһөллөр, ыарахан балаһыанньаҕа түбэспиттэргэ күүс-көмө буолаллар, аһымал тэрээһиннэри ыыталлар
Пуорумҥа уон дьиэ кэргэҥҥэ “Ийэҕэ албан аат” Бочуоттаах бэлиэни туттардылар, итиэннэ “Элбэх оҕолоох ыал” анал аатынан “Дьиэ кэргэн-2025” өрөспүүбүлүкэтээҕи куонкуруска 2 миэстэни ылбыт Угапьевтар дьиэ кэргэттэрин наҕараадалаатылар.
Пуорум иккис чааһыгар элбэх оҕолоох ыаллар ипотеканы хайдах ыларга, бэйэни көрүнэ сылдьыыга, о.д.а. сүбэни-аманы ыллылар. Бүлүүдэлэр уонна оҕо уруһуйдарын куонкуруһа ыытылынна. Маннык тэрээһиннэр элбэх оҕолоох ыаллары түмэр эрэ буолбатахтар, эдэр ыччаты ыал буоларга, дьиэ-уот тэринэргэ көҕүлүүллэр.
Сэбиэт куруук күүс-көмө буолар дьонноругар: “Сахаада” канцтабаар маҕаһыыныгар ИП Виктор Стручковка, Айнура, Санжарбек Абдырасуловтар дьиэ кэргэттэригэр махталларын тиэрдэллэр.
Чэмэлиинэ Скрябина.
Быйыл күһүн тохсус ыҥырыылаах Судаарыстыбаннай Дуума дьокутааттарын талыахтара. Бу сырыыга Дума быыбарыгар Донбасс уонна Новороссия…
СӨ Бырамыысыланнаска уонна геологияҕа миниистирэ Максим Терещенко бүгүн, олунньу 3 күнүгэр, соцситимнэргэ быһа эпиири ыытыаҕа.…
Олунньу 2 күнүгэр, сарсыарда 07:35 чааска, Быыһыыр сулууспаҕа Амма улууһун полициятыттан иһитиннэрии киирбит. Онно этиллэринэн,…
Чугастааҕы сууккаҕа, олунньу 3 күнүгэр, Сир магнитнай дьайыыта чуумпу туруктаах буолуоҕа, буурҕа түһэрэ күүтүллүбэт. Магнитнай…
Бүгүн, олунньу 3 күнүгэр, сорох улуустарынан быстах кэмҥэ өрөмүөн үлэтэ буоларынан сибээстээн, күн устата араас…
Гидрометеосулууспа уонна тулалыыр эйгэни кэтээн көрүү управлениетын саайтын дааннайдарынан, бүгүн, олунньу 3 күнүгэр, Саха сирин…