Ыччаты патриотизм тыыныгар иитэргэ

Бэҕэһээ, тохсунньу 18 күнүгэр, Москваҕа Саха Өрөспүүбүлүкэтин бастайааннай бэрэстэбиитэлистибэтигэр уопсастыбаннай диэйэтэллэри, бэлиитиктэри уонна суруналыыстары кытары көрсүһүү буолла.

Андрей Сандаминович Федотов бэрэссэдээтэллээх көрсүһүүгэ 2023 сыл ахсынньы 7 күнүгэр ыытыллыбыт өрөспүүбүлүкэтээҕи бастакы антифашистскай пуорум түмүктэрин дьүүллэстилэр.

Ону таһынан РФ бэрэсидьиэнэ Владимир Путиҥҥа этиилэр уонна пуорум резолюцията ылылыннылар.

Түмүктэри дьүүллэһэргэ ураты болҕомтону ыччаты патриоттыы тыыҥҥа иитиигэ уурдулар.

Ол курдук, резолюцияҕа маннык пууннары киллэрэргэ этиилэр киирдилэр:

-Арассыыйа Федерациятыгар патриотизмҥа иитии систиэмэтин оҥорорго;

-Үрдүк үөрэх кыһаларыгар араас таһымнаах иһитиннэриилэри утарылаһыыга үөрэх бырагыраамаларын киллэрэргэ.