Үчүгэй нэһилиэгин баһылыгар байыаннай дьайыы кыттыылааҕа кыайда

Өймөкөөн улууһун Үчүгэй национальнай нэһилиэгин баһылыгар «Биир ньыгыл Арассыыйа» баартыйаттан турбут, анал байыаннай дьайыы кыттыылааҕа Тимур Петряков кыайда. Кини байыаннай дьайыы зонатыттан төлөпүөнүнэн кэпсэттэ:

— Барыллаан ааҕыынан, биир дойдулаахтарым төрөөбүт нэһилиэкпэр дьаһалта баһылыгынан талбыттарыттан олус үөрдүм.  Манна биһиги  байыаннай дьайыыга кытта сылдьааччылар Кыайыыны кэтэһэбит. Дойдубут, аармыйабыт, норуоппут кэлэр көлүөнэлэр иннилэригэр ытык иэспитин толорор туһугар бары күүспүтүн уурабыт. Быыбардааччыларым, нэһилиэк олохтоохторун барыларын туһугар үлэлииргэ бэлэммин, төннөргө эрэнэбин. Бары куоластааһын түмүгүн официальнай бигэргэтиини күүтэбит.