Үөдэйгэ саҥа оскуола үлэҕэ киирдэ

Бүгүн Хаҥалас улууһун Үөдэйигэр өр кэтэспит, күүппүт күннэрэ үүннэ. Ол курдук, 60 миэстэлээх саҥа оскуола үөрүүлээх быһыыга-майгыга аһылынна.

Бу туһунан үөрүүлээх сонуну Ил Дархан Айсен Николаев телеграмҥа иһитиннэрдэ.

— Бу иннинэ оҕолор хас да сыл араас сиринэн үөрэммиттэрэ. Онон, дьэ оҕолор, учууталлар ыра санаалара  «Комплексное развитие сельских территорий» федеральнай бырагыраама көмөтүнэн олоххо киирдэ. Саҥа оскуолаҕа аныгы олох ирдэбилигэр эппиэттиир саҥа тэриллэринэн хааччылынна. Информатика уонна   физика учуутала Саргылана Семеновалыын көрсөн кэпсэттим. Кини бу оскуолаҕа  «Земскэй учуутал» бырагырааманан үлэлиир. Дьокуускайтан Үөдэйгэ дьиэ кэргэнинээн көспүттэр эбит, — диэн Айсен Николаев суруйда итиэннэ саҥа оскуола элбэх выпускниктары иитэн-үөрэтэн таһаарыа диэтэ.