Хаартыска Евдокия Николаева тиксэриитэ
Бэҕэһээ Үөһээ Бүлүү улууһун Үөдүгэй нэһилиэгин салалтата уонна олохтоохтор Саха сиригэр саҕаламмыт аахсыйа чэрчитинэн Саҥа дьыллааҕы «Баҕа санаа харыйата» тэрээһиҥҥэ кытыннылар.
Ол курдук Андреевскай сэлиэнньэтиттэн Ольга уонна Андрей Андреевтар, Тимофей уонна Мария Егоровтар уонна Прокопий Васильев дьиэ кэргэттэригэр, урбаанньыттар Анатолий Бабаранов, Юрий Михайлов, Федор Семенов, Константин Иванов, «Профото» тэрилтэҕэ (сал. А.И. Антонов), Кудутааҕы орто оскуолаҕа (дир. И.И. Парникова), «Алекс» маҕаһыыҥҥа (А.А. Александров), 47-с N-дээх «Сардаана», «Сказка» уһуйааннарга, Үөһээ Бүлүүтээҕи киин балыыһа кэлэктиибигэр, Үөдүгэйдээҕи модельнай бибилэтиэкэ үлэһиттэригэр, «Дьүөгэлэр» түмсүүгэ, А.Н. Хобусароваҕа, Антонина Николаевна, З.С. Борисоваҕа, Р.Н. Саввинаҕа, Р.И. Хараховка, нэһилиэк сэбиэтин дьокутааттарыгар Надежда Романоваҕа, Зоя Романоваҕа, о.д.а. «Баҕа санаа харыйата» аахсыйаҕа кыттан, оҕолорго үөрүүнү бэлэхтээбиттэригэр Үөдүгэй нэһилиэгин дьаһалтата махталын тиэрдэр.
Үөһээ Бүлүү улууһун олохтоохторо байыастар уонна олох уустуктарыгар түбэспит дьон оҕолругар бэлэхтэри туттардылар. Кинилэр аахсыйаттан туора туран хаалбаккалар, бэйэлэрин амарах дууһаларынан, үтүө санааларынан кылааттарын киллэрэн, оҕолору үөрдэр уонна бу үтүө дьылаҕа Саха сирин олохтоохторун кыттыһарга ыҥыраллар.
Үөрэх эйгэтигэр анал байыаннай эпэрээссийэ кыттыылаахтарын оҕолорун өйөбүл өрөспүүбүлүкэҕэ сүрүн соругунан буолар. Бүгүҥҥү күҥҥэ байыаннай…
Дьокуускай куорат баһылыга Евгений Григорьев суруналыыстары кытары көрсүһүүтүгэр киин куорат тырааныспарын инфраструктуратын тупсарыыга былааннарын туһунан…
Бу күннэргэ СӨ тыа хаһаайыстыбатын министиэристибэтэ халаантан эмсэҕэлээбит Өймөкөөн улууһун нэһилиэктэригэр паромунан сырыы түмүктэниэр диэри…
Бүгүн Саха сиринээҕи Киин быыбардыыр хамыыһыйа бэрэссэдээтэлэ Евгений Федоров бэҕэһээ, балаҕан ыйын 14 күнүгэр, Быыбар…
Балаҕан ыйын 13 күнүгэр, Чурапчы Күнүн чэрчитинэн, ырыаҕа ылламмыт, хоһооҥҥо холбоммут Тоҕус томтордоох Чурапчыга, Егор…
Ааспыт өрөбүллэргэ Дьокуускайга 22 суол саахала буолбута бэлиэтэммит, онно үс киһи эмсэҕэлээбит. Бу туһунан киин…