Хаартыска: Үөһээ Бүлүү улууһун дьаһалтатын пресс-сулууспатыттан
Бүгүҥҥү туругунан Үөһээ Бүлүү улууһугар 7 ойуур баһаара баар, 400-тэн тахса киһи уоту кытары охсуһар.
Өргүөт уонна Куду сэлиэнньэлэрин икки ардыгар турбут баһаары умуруорууга 100-тэн тахса киһи уонна 10 тиэхиньикэ үлэлии сылдьар.
Кудуга ойуур баһаарын бохсууга үлэлии сылдьар дьону, итии аһынан-үөлүнэн олохтоох далбар хотуттар хааччыйаллар диэн Үөдүгэй нэһилиэгин дьаһалтатын пресс-сулууспата иһитиннэрэр. Бүгүн Зоя Петрова салайааччылаах улуустааҕы доруобуйаларынан хааччахтаах дьон уопсастыбалара биир дьааһык кэнсиэрбэ, биир дьааһык түргэнник буһар лапсаны көмө быһыытынан тиксэрдэ.
Ону тэҥэ өрүү күүс-көмө, өйөбүл буолар Феодосия Михайлова салайааччылаах 7-с №-дээх «Остуоруйа» оҕо уһуйаанын кэлэктиибин үлэһиттэрэ бурдук ас арааһын өлгөмнүк астаан аҕаллылар.
Үөдүгэй нэһилиэгин олохтоохторо, өр сылларга олохтоох дьаһалтаҕа эҥкилэ суох үтүө суобастаахтык үлэлээбит Наталья Докторова, СӨ Бэчээтин туйгуна Оксана Халанникова тус оҕуруоттарыттан оҕурсу биэрдилэр.
Бу курдук Үөдүгэй нэһилиэгин дьоно-сэргэтэ күн аайы ойуур баһаарын бохсууга ким-туох кыахтааҕынан көмөлөһөр.
Бүлүү улууһун Бастакы Тоҕус нэһилиэгэр, Тыымпы сэлиэнньэтигэр "Манчаары оонньууларын" кыттыылаахтарын уруйдуу-айхаллыы көрсүбүттэр. Бу туһунан социальнай…
Саха сирин хотугулуу-илин уонна илин өттүгэр ардахтар хото түһэннэр, уу таһыма үрдээбитэ бэлиэтэнэр, ол иһигэр…
Кэнники хонукка Кэбээйи уонна Өлүөхүмэ улуустарын сиригэр-уотугар уопсайа 3,8 гектардаах сири хаппыт икки ойуур баһаарын…
Бырагыраама уопсастыбаннай сэбиэтин чилиэнэ, "Сахатранснефтегаз" АУо генеральнай дириэктэрэ Алексей Колодезников "Саха сирэ -- дьоруойдар дойдулара"…
АЛРОСА Экологияҕа киинэ “Живые алмазы Якутии” паарканы тупсаран оҥорон эрэгийиэннээҕи бырайыактар граннарын куонкуруһа саҕаламмытын иһитиннэрэр.…
Саха сиригэр пилота суох, тепловизордаах 35 аппараат көмөтүнэн ойууру кэтээн көрүүнү күүһүрдэллэр. Саха сиригэр ойууру кэтээн көрөргө…