Үөдүгэй уулуссаларын ааттара сахалыы тылбаастаннылар

Үөһээ Бүлүү улууһун Үөдүгэйигэр  «Ийэ тыл» түмсүү көҕүлээһининэн, уулуссалар  ааттарын сахалыы тылбаастаан анал бэлиэлэри  ыйаталаатылар диэн нэһилиэк телеграм-ханаалыгар иһитиннэрдилэр.

— Бу хамсааһын үүнэр көлүөнэ ийэ тылын чугастык ылынарыгар тирэх  буолуо диэн эрэл баар. Бу хамсааһыны улууспут нэһилиэктэрин дьаһалталара, уопсастыбаннаһа болҕомтоҕо ылан, ыччаты иитиигэ туһаныахтара уонна бэйэлэрин нэһилиэктэригэр олоххо киллэриигэ үлэлэһиэхтэрэ диэн баҕарыаҕыҥ, — диэн нэһилиэк дьаһалтата иһитиннэрдэ.