Үөһээ Бүлүү аннынан өрүһүнэн айан суола оҥоһуллар

Үөһээ Бүлүү улууһун Хоро нэһилиэгин аннынан барар өрүс кыһыҥҥы суолун бэлэмнээһин үлэтэ ыытыллар.

Мууһу халыҥатар үлэ алтынньы ый 28 күнүттэн саҕаламмыта диэн Үөһээ Бүлүү улууһун дьаһалтата иһитиннэрэр.

«ОАЗИС» тэрилтэ күн аайы мууһу халыҥатар сыалтан уу кутан саҕалаата.
Бэҕэһээ Үөһээ Бүлүү улууһун салалтата миэстэтигэр тиийэн үлэ хайдах бара турарын билистэ.

«Бүгүҥҥү туругунан муус 30 см халыҥаабыт. Өрүс суолун халыҥатар үлэ сэтинньи 10-с күнүгэр диэри ыытыллара былааннанар. Этэҥҥэ буоллаҕына сэтинньи 11-с күнүттэн кыһыҥҥы өрүс суолун арыйарга бэлэмнэнэбит», — диэн улуус баһылыга Валерий Николаев иһитиннэрдэ.