Үөһээ Бүлүү баһылыгын быыбара кэлэр сылга көстө

Үөһээ Бүлүүтээҕи  территориальнай быыбардыыр хамыыһыйа улуус баһылыгын быыбара хаһан буоларын иһитиннэрдэ.

Ол курдук, «Үөһээ Бүлүү» хаһыат суруйарынан, улуус баһылыгын быыбара  2024 сылга, тохсунньу  21 күнүгэр, буолуоҕа. Дьиҥэр, улуус баһылыгын быыбара сэтинньи 19 күнүгэр буолуохтаах этэ.

Санатан эттэххэ, бэҕэһээ  Үөһээ Бүлүү улууһун баһылыгын болдьоҕун иннинэ куоластааһын  атын күҥҥэ көһөрүллүбүтүн туһунан биллибитэ. Ол төрүөтэ СӨ Үрдүкү суутун быһаарыытынан икки хандьыдаат быыбартан уһуллубуттара буолар.  Быыбарга уопсайа үс хандьыдаат: Василий Алексеев, Семен Михалев уонна  Николай Николаев регистрацияламмыттара.