Үөһээ Бүлүү балыыһата икки сыл иһигэр түөрт улахан аппарааттанна

«Доруобуйа» доруобуйа харыстабылын бастакы сүһүөх звенотун саҥатытыы бырагырааматынан Үөһээ Бүлүү улуустааҕы балыыһатыгар кэнники икки сыл иһигэр түөрт аппарааттаннылар. Онон олохтоохтор мэдиссиинэ хаачыстыбалаах көмөтүн ылар кыахтаннылар.

Национальнай бырайыагынан рентген-аппараат;  клинико-диагностическай лабораторияҕа — автоматическай анализатор, уо.д.а. ылыллыбыттар. Саҥа тэриллэри ылыахтарыттан маммографияҕа 1841 чинчийии ыытыллыбыт, цифровой рентген аппараакка 7199 киһи көрдөрбүт, рентген-аппараакка 110 киһи түспүт. Кылаабынай бырааһы тэрийэр үлэҕэ солбуйааччы Туйаара Иванова бэлиэтииринэн, доруобуйа харыстабылын бастакы сүһүөх звенотун саҥардыы бырагырааматынан, улуус олохтоохторун доруобуйаларын көрүү үлэтэ кэҥээбит.

Санатар буоллахха, Саха сиригэр 2024 сыллаахха 10 амбулатория уонна биэлсэр-акушер пууннара «Доруобуйа» национальнай бырайыак «Доруобуйа харыстабылын бастакы сүһүөх звенотун модернизациялааһын» бырагырааматын иитинэн тутулуннулар. Бырайыак олоххо киириэҕиттэн өрөспүүбүлүкэҕэ элбэх мэдиссиинэ эбийиэгэ тутуллубута:  72 биэлсэр-акушер пууннара уонна амбулаториялар, сэттэ улахан балыыһа.

СӨ Ил Дарханын уонна Бырабыыталыстыбатын пресс-сулууспата