Хаартыска: Ольга Захарова тиксэриитэ
Үөһээ Бүлүү улууһун олохтоохторо анал байыаннай дьайыыга сылдьар байыастарга көхтөөхтүк көмөлөһөллөр. Нэдиэлэ аайы улуус булчуттара, балыксыттара анаан бултарын аһын хомуйан анал байыаннай дьайыыга кытта сылдьар уонна госпиталларга сытар уолаттарга ыыталлар.
Көмө аһылык хомуурун сүрүннээччинэн Ороһу олохтооҕо Ольга Захарова, норуокка биллэринэн Балыксыт Ольга буолар. Ольга сүрүн үлэтин таһынан, дьарык оҥостон күн аайы балыктыыр, онтун хатарар, ыыһыыр, ыһаарылыыр, тууһуур.
Кини биир сыл иһигэр Москва, Хабаровскай, Санкт-Петербург, Владивосток госпиталларыгар уонна анал байыаннай дьайыы инники кирбиитигэр, быһа холоон, 2 туоннаттан тахса аһы ыыппытын туһунан кэпсиир.
«Биир сыл иһигэр анал байыаннай дьайыыга сылдьар, госпиталларга сытар уолаттарбытыгар 2 туоннаттан тахса аһы ыыттыбыт. Уолаттар дойдуларын аһын амсайан күүс-уох эбинэллэр, дойдуларын тыынын иҥэринэллэр. Көмөнү туттулар даҕаны отчуоттаан хаартыскаларын ыыталлар. 394 полк минометнай батареятын, 71289 минометнай батареятын, 394 полк медвзводун, 64 биригээдэ разведбатальонун, 64 гвардейскай биригээдэ штурмовой ротатын, «Шторм» 2 мотострелковай ротатын, 1466 полк артиллериятын, 114 полк противотанковай взводун, 77 разведбатальонун, 61424 7 бронегруппа, 18 аармыйа штурмовой ротатын, 656 полк разведкатын, 143 мотострелковай полк уонна 9 рота 36 биригээдэтин байыастара көмө аһылыгы туппуттара. Уолаттар төрүт астарын тутан, аһаан күүс-сэниэ эбинэн, махталлара улахан. Биһиги тыылга уолаттарбытыгар аһынан-үөлүнэн көмөлөһүөхтээхпит. Түгэнинэн туһанан, Сахам сирин олохтоохторун үтүө дьыалаҕа кыттыһалларыгар ыҥырабын», — диэн кэпсиир Ольга Захарова.
Субуота — Сатурн планета салайар күнэ. Онон бу күн ыксааһыны сөбүлээбэт. Бүгүн саҕаламмыт дьыала уһун…
Ахсынньы 19 күнүгэр сарсыарда Аллараа Бэстээх уонна Төҥүлү икки ардынааҕы суолга дьон өлүүлээх суол быһылаана…
Бүгүн, ахсынньы 29 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
Саха сирин синоптиктарын сабаҕалааһыннарынан бүгүн, ахсынньы 20 күнүгэр хоту хаардыыр, Арктика кытылынан уонна Халымаҕа хаар…
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…