Үөһээ Бүлүү дьахталлара Дьахтар күнүн көрсө пуорум тэрийдилэр

Үөһээ Бүлүү улууһугар быйыл Саха сирин үлэһит дьахталларын сийиэһин 100 сылыгар анаммыт  дьахталлар пуорумнара буолан ааста. 

«Үөһээ Бүлүү дьахталлара — дойду эрэллээх тыыллара» диэн ааттаах пуорумҥа бары нэһилиэктэртэн 108 дьахтар кыттыыны ылла. Араас кэрэхсэбиллээх түһүмэхтэрдээх тэрээһин бэрт көхтөөхтүк ааста. Ол курдук, чөл олохх, доруобуйаны бөҕөргөтүүгэ туһуламмыт  спортивнай күрэхтэһиигэ 5-тии киһилээх 7 хамаанда тэриллэн, 5 түһүмэххэ күөн көрүстүлэр. Маны сэргэ, араас маастар-кылаастар, кэпсэтиилэр, тэрээһиннэр буоллулар.

Пуорум иккис чааһыгар «Биһиги күүспүт — кыайыыга» диэн лозуннаах анал байыаннай дьайыыга кытта сылдьар биир дойдулаах байыастарбытын көмүскүүр сиэккэлэри баайдылар.

Ити курдук Үөһээ Бүлүү дьахталлара бэйэ-бэйэлэригэр «улууспут сайдыытыгар, кэлэр көлүөнэ ыччаты иитиигэ, дьиэ кэргэн сыаннаһын харыстааһыҥҥа өрүү бу курдук бииргэ түмсэн ылсыах» диэн биир санааланыы кыымын уһугуннардылар.