Хаартыска: Саргын Скрябин, ЯСИА
Үөһээ Бүлүү хамаандата «Зарница 2.0» оонньуу уокуруктааҕы түһүмэҕэр Саха сирин чиэһин көмүскүөҕэ.
Бэс ыйын 19 күнүгэр Дьокуускайга «Зарница 2.0» Бүтүн Арассыыйатааҕы байыаннай-патриотическай оонньуу улахан саастаахтар бөлөхтөрүгэр өрөспүүбүлүкэтээҕи түһүмэҕэ түмүктэннэ.
Үөһээ Бүлүү оройуонун гимназиятын «Сайдам» этэрээтэ кыайыыны ситистэ — бу хамаанда от ыйын 1 күнүттэн 6 күнүгэр диэри Еврейскэй автономиялаах уобалаһын Биробиджан куоратыгар ыытыллар уокуруктааҕы түһүмэххэ өрөспүүбүлүкэ аатыттан кыттыаҕа.
Иккис миэстэни Зоя Ксенофонтова аатынан Покровскайдааҕы 2-с №-дээх орто оскуолатын «Бэргэн» хамаандата, үһүс миэстэни — Мииринэй куорат 12-с №-дээх орто оскуолатын «Феникс-12» хамаандата ыллылар.
Түөрт күн устата эрэгийиэн араас улуустарын көрдөрөр 13 хамаанда 14 хайысханан — хамаанданан да, биирдиилээн да күрэхтэһиилэргэ күрэхтэстилэр. Оонньуулар Саха сирин кадетскай оскуола-интэринээтин баазатыгар ыытылыннылар, оттон кыттааччыларынан өрөспүүбүлүкэ араас муннуктарыттан муниципальнай түһүмэхтэр кыайыылаахтара — 14-тэн 17-гэр диэри саастаах 130 үөрэнээччи буоллулар. Кыттааччыларга эҕэрдэ тылы СӨ Бырабыыталыстыбатын Бэрэссэдээтэлин солбуйааччы Ольга Балабкина эттэ. Кини үөрэнээччилэри эҕэрдэлээтэ уонна тэрийээччилэргэ истиҥник махтанна.
Эдэриттэн эмэнигэр тиийэ саҥа сылы кытта хайаан даҕаны үтүө, кэрэ кэлиэҕэ, эһиил быйылгытааҕар өссө ордук…
Кистэл буолбатах, үгүстэргэ “мин билэр буоллум да, киһи барыта билиэхтээх” диэн өйдөбүл иҥэн хаалбыт. Билбэтин…
Бүгүн, ахсынньы 21 күнүгэр, өрөспүүбүлүкэ баһыйар үгүс өттүгэр кыралаан хаардыаҕа. Халымаҕа, Аллайыахаҕа хаар сөбүгэр түһүөҕэ.…
Бүгүн Күн салайар күнэ — өрөбүл. Онон айар-тутар эрчим, үөрүү-көтүү уонна сырдык баһылыаҕа. Онуоха эбии,…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…