Хаартыска: Үөһээ Бүлүү улууһун дьаһалтатын пресс-сулууспата
Үөһээ Бүлүү улууһун Харбалаах нэһилиэгэр бүгүн, олунньу 15 күнүгэр, уһулуччулаах бэлитиичэскэй диэйэтэл, Саха Сирин аптаныамыйатын төрүттэспит Исидор Барахов аатын сүгэр саҥа аныгылыы тупсаҕай дьүһүннээх саҥа Култуура киинэ үөрүүлээх быһыыга-майгыга аһылынна.
Үөһээ Бүлүү улууһун олохтоохторун үөрүүлээх түгэнинэн Саха Өрөспүүбүлүкэтин Ил Дархана Айсен Николаев эҕэрдэлээн туран, аалай лиэнтэни быста. И.Н. Барахов аатынан Харбалаахтааҕы култуура киинэ Ил Дархан быһаччы өйөбүлүнэн өрөспүүбүлүкэ инвестиционнай бырагырааматын чэрчитинэн тутуллан үлэҕэ киирдэ. Бу туһунан Үөһээ Бүлүү улууһун дьаһалтатын пресс-сулууспата суруйар.
Санатан этэр буоллахха, эрдэ 2012 сыллаахха тутуллубут И.Н.Барахов аатынан СӨ Судаарыстыбыннаһын түмэлин дьиэтэ 2019 сыллаахха сууллар кутталланан, саҥа дьиэни тутарга сорудах турбута. 2022 с. бэс ыйын 19 күнүгэр Култуура дьиэтин бастакы сыбаайатын урукку түмэл турбут сиригэр түһэрии үөрүүлээх түгэнигэр Ил Дархан Айсен Николаев кыттыыны ылбыта.
Үс сыл устата тутуу үлэтэ ыытыллан, бүгүн олохтоохтор өр кэтэспит култуура киинин дьиэтэ аһылынна.
Айсен Сергеевич култуура дьиэтигэр бэйэтин өйдөбүнньүк бэлэҕин — Саха аптаныамыйатын төрүттэспит улуу дьон — Исидор Барахов, Платон Ойуунускай, Максим Аммосов, Степан Аржаков мөссүөннэрэ уруһуйдаммыт хартыынаны бэлэх туттарда.
«Ил Дархаммытыгар Үөһээ Бүлүү улууһун дьонун-сэргэтин аатыттан өйөбүлгүт, улууспут сайдыытыгар кылааккыт, көмөҕүт иһин ис сүрэхтэн махтанабыт! Улуу киһибит аатын сүгэр саҥа култуура дьиэтэ үйэлээх буоллун, элбэх көлүөнэ ыччат дьоҕурдарын сайыннарар култуура киинэ үлэтэ таһаарыылаах буоллун!» — диэн улуус баһылыга Валерий Николаев ТГ-ханаалыгар суруйда.
Ленскэй оройуонугар муус көхтөөхтүк устарын бэлиэтииллэр. Муус хамсааһынын орто диэн сыаналаатылар, уу таһыма рейкэ кээмэйигэр…
80 сыл анараа өттүгэр, ыам ыйын 9, 10 күннэригэр, “Кыым” хаһыакка тугу суруйбуттарай? Бу суруйуулары…
Бу күннэргэ социальнай ситимнэринэн Өлүөнэ кытылын үрдүгэр, Дьоруойдар аллеяларыгар сэрии кэминээҕи таҥастаах эдэркээн кыргыттар, уолаттар…
Бүгүн, ыам ыйын 9 күнүгэр, Аҕа дойду Улуу сэриитигэр Кыайыы 80 сылынан “Өлбөт үйэлээх полк”…
Москваҕа буолар Улуу Кыайыы 80 сыллаах үбүлүөйдээх параадыгар саха уола кыттарын туһунан үтүө сураҕы бүгүн…
Бүгүн, ыам ыйын 9 күнүгэр, Дьокуускайга Кыайыы болуоссатыгар "Кыайыыны аҕалбыт буойуннар" монумеҥҥа сибэкки дьөрбөтүн ууруу…