Хаартыска: Sakhagov
Үөһээ Бүлүү улууһун Хомустаах сэлиэнньэтигэр саҥа искибиэр үөрүүлээх быһыыга-майгыга аһылынна.
Бу РФ Бэрэсидьиэнэ Владимир Путин көҕүлээбит «Олоххо анаммыт инфраструктура» национальнай бырайыагын «Табыгастаах куорат эйгэтин тэрийии» бырагырааматын чэрчитинэн сэлиэнньэҕэ тутуллубут иккис эбийиэгинэн буолар. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.
Искибиэр бырайыагын С.В. Барахов архитектурнай мастарыскыайа оҥорбут, оттон тутуу үлэтин В.Л. Кривогорницын тэрилтэтэ толорбут. Саҥа уопсастыбаннай сиргэ оҕо оонньуур уонна успуорт былаһааккалара, сынньанар сирдэр уонна хачыаллар туруорулуннулар.
Искибиэр сүрүн ис хоһооно сэлиэнньэ соҕуруу өттүгэр тутуллубут бастакы эбийиэк киэргэтиитин кытта дьүөрэлэһэр, ону таһынан олохтоохтор үгэс буолбут дьарыктарын – тыа хаһаайыстыбатын бэлиэ быһыытынан көрдөрөр. Бырайыагы олоххо киллэриигэ нэһилиэнньэ кыттыыта ураты суолталанна.
Былырыын саҥа искибиэри тутууга Бүтүн Арассыыйатааҕы куоластааһыҥҥа 1005 киһи бэйэтин куолаһын биэрбитэ. 2019 сылтан 2024 сылга диэри «Дьиэ уонна куорат эйгэтэ» нацбырайыак «Табыгастаах куорат эйгэтин тэрийии» федеральнай бырайыагын чэрчитинэн уопсастыбаннай сирдэри саҥардыыга уонна нэһилиэнньэлээх пууннар саҥа көстүүлэрин олохтуурга туһуламмыт табыгастаах куорат эйгэтин олохтуур бастыҥ бырайыактар Бүтүн Арассыыйатааҕы күрэхтэрэ ыытыллыбыттара. 2025 сылтан үлэ саҥа «Олоххо анаммыт инфраструктура» национальнай бырайыак иһинэн салҕанар.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…