Бу күннэргэ Үөһээ Бүлүү улууһун Хоро нэһилиэгин олохтоох балыксыттара оскуола оҕолорун куйуурга уһуйдулар.
Оҕо сылыгар туһуламмыт тэрээһин туһунан Хоро нэһилиэгин олохтооҕо, успуорт бэтэрээнэ Иван Яковлев бу курдук кэпсээтэ:
— Куйууру өрө туппут эһээлэр Константин Саввинов, Иван Яковлев, Василий Семенов, Андрей Спиридонов, аҕалар Константин, Спиридон Саввиновтар, Александр Илларионов, убайдар Никита, Платон Саввиновтар көҕүлээһиннэринэн, өйөөһүннэринэн Хоро орто оскуолатын 2-с кылааһын үөрэнээччилэригэр куйуур үгэһин билиһиннэрдибит. Оҕолорбутун кытта айылҕаҕа дуоһуйа сылдьан, балык бөҕө ылан, үөрэн-көтөн кэллибит. Арҕаа Күрэскэ диэри бидиргэх буолан, мүччүргэннээх айаҥҥа Василий Ефремов илдьэ сырытта. Куйууру көрдөрбүт дьоммутугар барыларыгар доруобуйаны, өссө да Күөх Боллох алы гынан бэрсэ турдун, өрүү илии тутуурдаах, өттүк харалаах буолуҥ диэн алгыспытын тиэрдэбит.
Оҕолорго маннык умнуллубат кэрэ түгэни бэлэхтээбит, удьуор утум дьарыктаах дьоннорбутугар, улахан да улахан махталбытын оҕолор, төрөппүттэр ааттарыттан тиэрдэбин. Кырачаан дьон наһаа астыннылар, күөлтэн тахсымаары, ойууртан кэлимээри бөҕөлөр. Барыбытыгар ирээппит биирдии биэдэрэ сибиэһэй собо буолла.
Ити курдук, күннээҕинэн кырачаан дьоҥҥо үөрүүнү бэлэхтээн туран, саха төрүт үгэһин билиһиннэрии – оҕоҕо Ийэ дойдуга тапталы иҥэрэрэ саарбаҕа суох.
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…
Бүгүн, ыам ыйын 18 күнүгэр, Аан дойду үрдүнэн Түмэл күнэ бэлиэтэнэр. Бу күнү көрсө Амматааҕы…
Эми-тому атыылаһан баран, аны хайдах иһэр туһунан ыйыыны-кэрдиини (инструкцияны) төһө билсэбитий? «Күҥҥэ үстэ биир табылыакканы…