Үөһээ Бүлүү кондитердара байыаннай дьайыыга көмөлөһөллөр

Анал байыаннай дьайыыга Саха сирин олохтоохторо туох кыахтаахтарынан көмөлөһөллөр. Бары Кыайыы туһугар кылааттарын киллэрэллэр.

Бу күннэргэ Үөһээ Бүлүү улууһун туорду астааччылара кыттыһан, анал байыаннай дьайыыга сылдьар уолаттарбытыгар бэйэлэрин сэмэй көмөлөрүн ыыттылар. 2026 сыл саҥатыгар бастакы үлэ күнүгэр 10-н тахса киилэ дойду иһигэр оҥоһуллубут минньигэс кэмпиэттэри хомуйан Дьокуускай куоракка «Саха волонтердара» хамсааһын пуунугар туттардылар.

«Үөһээ Бүлүү улууһун кондитердарыгар эчэйэн госпиталларга эмтэнэ сытар байыастарга үтүө көмөҕүт, амарах санааҕыт уонна сиэрдээх майгыгыт туһугар дириҥ махталбытын тиэрдэбит», — диэн этэллэр «Саха волонтердара» хамсааһын кыттыылаахтара.