Үөһээ Бүлүү олохтооҕо иккистээн итирик туруктаах уруулга олорон, массыынатын былдьатта

Үөһээ Бүлүү улууһун олохтооҕо иккистээн итирик туруктаах уруулга олорон, массыынатын конфискациялаатылар диэн СӨ Борокуратуурата иһитиннэрэр.

Үөһээ Бүлүү оройуоннааҕы борокуратуурата олохтоох киһи холуобунай дьыаланан судаарыстыбыннай буруйданыытын өйөөтө. Бу киһи РФ Холуобунай кодексын 1 чааһын 264-с ыстатыйатынан сууттанна.

Суукка быһаарыллыбытынан, сууттанааччы Үөһээ Бүлүү сэлиэнньэтигэр 2023 сыл ахсынньытыгар суоппар бырааба суох сылдьан, иккистээн итирик туруктаах массыына ыыппыт. Кинини полиция үлэһиттэрэ тохтоппуттар.

Суут бу киһини 200 чаас үлэҕэ күһэйбит, итиэннэ икки сыл устата массыына ыытарын боппут.

Маны ааһан, сууттанааччы «Toyota Cresta» массыыната судаарыстыба дохуотугар конфискацияламмыт.

Бириигэбэр күүһүгэр киирэ илик.