Үөһээ Бүлүү олохтооҕо ыала киһини түүн айдаарымаҥ диэбитин иһин кырбаан сууттанна

Суукка биллибитинэн, ыаллыы дьон икки ардыгар иирсээн тахсыбыт. Аллараа этээскэ олорор киһи, үөһээ олорор ыаллара түүнү быһа айдаарбыттарын иһин, тахсан  түүн айдаарбаттарыгар көрдөспүт.

Ол эрээри, эрдэ сууттана сылдьыбыт киһи, сэмэлээһини сөбүлээбэккэ, кырбаабыт, эмсэҕэлээччи футболкатын хайыта тыыппыт.

Бу туһунан СӨ Борокуратуурата иһитиннэрэр.

Сууттанааччы буруйун билиммэтэх уонна бэйэтэ саба түспүтүгэр көмүскэммитим диэбит. Ол да буоллар, суут буруйдааһын дакаастабылларыгар олоҕуран уонна буруйданааччы тылын олоҕо суоҕунан быһаарда.

Эр киһи урут маннык ыстатыйанан сууттаммытын учуоттаан уонна судаарыстыбаннай буруйдааччы санаатын учуоттаан, РФ Холуобунай кодексын 116.1 ыстатыйатын 2 чааһынан 1 сылга көннөрөр үлэҕэ ыытарга уонна судаарыстыба дохуотугар хамнаһын 10 %- нын тутарга быһаарда.

Бириигэбэр сокуоннай күүһүгэр киирэ илик.