Үөһээ Бүлүү Ороһутугар таас уһуйаан тутуллар

Үөһээ Бүлүү улууһун Ороһу нэһилиэгэр икки мэндиэмэннээх таас оскуола-уһуйаан тутулла турар.

Улуус баһылыга Валерий Николаев тутуу хаамыытын кытта билсэн баран, бэйэтин телеграм-ханаалыгар сырдатта:

«Ороһу нэһилиэгэр тутулла турар 120/70 миэстэлээх оскуола-уһуйаан тутуутун үлэтэ хайдах баран иһэрин бастакы солбуйааччыбын Егор Дмитриевич Иванову кытта бэрибиэркэлээтибит. Тутар бэдэрээтчит «Сахаспецмонтаж-95» ХЭТ тутуу үлэтин тэтимнээхтик ыытан иһэрин бэлиэтээтибит. Билиҥҥи туругунан, тутуу иккис этээһэ түмүктэнэн эрэр. Өр кэтэһиилээх оскуола-уһуйаан тутуута бүтэн, эһиил Ороһу нэһилиэгэ тэриллибит 125 сылыгар үлэҕэ киириэ диэн бигэ эрэллээхпит«.

Сиһилии сигэнэн билсиҥ.