Ороһулар үүт туттарыытын саҕалаатылар

Бу күннэргэ Үөһээ Бүлүү улууһун  Ороһу нэһилиэгэ быйылгы сылга бастакынан үүт тутар собуоту үлэлэтэн саҕалаата.

«Ороһутааҕы үүт тутар собуот муус устар 21 күнүттэн үлэтин саҕалаата.  Собуокка Ороһуттан Айсен Тюляхов  уонна Балаҕаннаахтан Петр Кардашевскай тэриллиилээх хаһаайыстыбалара үүтү аҕалан туттараллар. Бүгүҥҥү күн туругунан барыта 270 киилэ үүтү туттардылар. Ороһу нэһилиэгин холобур оҥостон улууспут нэһилиэктэрэ собуоттары үлэлэтэргэ түмсүүлээх үлэни ыытыаххыт диэн эрэллээхпин«, — диэн улуус баһылыга Валерий Николаев бэйэтин ТГ-ханаалыгар суруйда.