Үөһээ Бүлүү Тамалакааныгар сахалыы тыыннаах ипподром дьэндэйдэ

Share

Үөһээ Бүлүү улууһун Тамалакаан нэһилиэгин олохтоохторун өр сыллааҕы баҕа санаалара туолан, Олохтоох көҕүлээһиннэри өйүүр бырагыраама (ППМИ) чэрчитинэн сахалыы тыыннаах, тупсаҕай көстүүлээх саҥа ипподром тутуута ситиһиилээхтик бара турар.

Бу туһунан Үөһээ Бүлүү улууһун баһылыга Валерий Николаев бэйэтин ТГ-ханаалыгар үөрэ-көтө иһитиннэрдэ. Кини суруйарынан, быйыл улууска ППМИ бырагырааманан икки бөдөҥ бырайыак олоххо киирэр: Кырыкый нэһилиэгэр суол өрөмүөнэ уонна Тамалакааҥҥа ат сүүрдэр сирин тутуута. Бу бырагыраама сүрүн уратыта – нэһилиэнньэ бэйэтэ туруорсубут, күүппүт-кэтэспит баҕа санаатын олоххо киллэрэргэ судаарыстыба өттүттэн үбүнэн-харчынан өйөбүл оҥоһуллара буолар. Тамалакааҥҥа тутулла турар ипподром дириҥ суолталаах. Бу сир сыл аайы Барчахов Иван Михайлович уолун Семен Барчахов кэриэһигэр ыытыллар, бүтүн улууска үтүө үгэскэ кубулуйбут Сылгыһыт күнүн көрсө тутуллар. Онон саҥа тутуу биир дойдулаахтарын сырдык аатын үйэтитэр бэлиэ эбийиэгинэн буолуоҕа. Бырайыак үбүлээһинэ хас да хайысханан хомуллубут: федеральнай бүддьүөттэн 2 мөл. солкуобай, олохтоох бүддьүөттэн 6 мөл. солкуобай көрүллүбүт, ону таһынан спонсордар көмөлөрүнэн 60 тыһ. солкуобай киирбит. Бүгүҥҥү күҥҥэ тутуу үлэтэ күүскэ бара турар.

Видеоҕа көстөрүнэн, ипподром чахчы сахалыы тыыннаах, дьөһөгөй оҕотун бэлиэтиир киэргэллээх, оһуор-бичик симэхтээх, көрүөхтэн кэрэ тутуу буолан турар. Саҥа ипподром нэһилиэк олоҕор саҥа тыыны киллэриэ, ыччаты ат успуордугар тардыа, оттон Сылгыһыт күнүн тэрээһиннэрин өссө үрдүк таһымҥа таһаарыа диэн эрэнэбит. Бу нэһилиэк түмсүүлээх буоллаҕына, ханнык баҕарар ыра санаа олоххо киириэн сөбүн дакаастыыр чаҕылхай холобурунан буолар.

Recent Posts

  • Сонуннар
  • Уопсастыба
  • Үөрэх

Саха сирин устудьуоннара Москваҕа «Сыл устудьуона» национальнай бириэмийэ финалыгар кыайдылар

Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…

4 часа ago
  • Быһылаан
  • Бэрээдэк
  • Сонуннар
  • Уопсастыба

Дьокуускай киинигэр киһи өлүүлээх баһаар дьыалатынан үс киһи сууттанна

Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…

4 часа ago
  • Култуура
  • Сонуннар

Дьокуускайга  саха хамаандатын Арктикатааҕы эспэдииссийэтин  туһунан кинигэ сүрэхтэннэ

Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…

4 часа ago
  • Сонуннар
  • Тыа хаһаайыстыбата

Мэҥэ Хаҥалас, Амма уонна Горнай улуустара бастыҥнарынан ааттаннылар

Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…

4 часа ago
  • Сонуннар
  • Уопсастыба

Тымныы кими да аһыммат! Үлүйүүттэн хайдах харыстанабыт?

Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…

4 часа ago
  • Байыаннай эпэрээссийэ
  • Уопсастыба

«Аҕа дойдуну көмүскээччилэр» судаарыстыбаннай пуонда филиалын өйөбүлүнэн 400-чэкэ тэрээһин ыытылынна

Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…

4 часа ago