Хаартыска: Саргын Скрябин, ЯСИА
Үөһээ Бүлүү улууһун уонна Татарстан Буинскай оройуонун икки ардыларыгар атыы-эргиэн, экэниэмикэ, билим, тиэхиньикэ, култуура уонна да атын эйгэлэргэ бииргэ үлэлэһэр туһунан сөбүлэһии баттанна.
Сөбүлэһии «Малая Родина — Сила России» пуорум чэрчитинэн түһэрсилиннэ.
«Сөбүлэһии бииргэ үлэлэһэргэ, уопут атастаһарга, култууранан байытыһарга уоннa экэниэмикэ үүнүүтүгэр кыаҕы кэҥэтэр, биһиги оройуоннарбытыгар саҥа кэскили арыйар. Саарбаҕа суох, бу биһиги олохтоохторбут олохторун тупсарыыга тиэрдиэҕэ», — диэн Буинскай оройуон баһылыга Ранис Камартдинов эттэ. Р
анис Камартдинов икки өрөспүүбүлүкэ икки ардыгар култуура атастаһыыта номнуо ыытылларын бэлиэтээтэ.
«Биһиги Ыһыах бырааһынньыгар сылдьан, кэрэтиттэн, уратытыттан, олохтоохтор уонна ыалдьыттар ис сүрэхтэриттэн үөрэн-көтөн сылдьалларыттан сөхпүппүт. Ордук сөхтөрбүтэ – олохтоохтор бары национальнай таҥастаах сылдьаллара. Биһиги бу уопуту ылынан, Татарстаҥҥа Сабантуйбутун үһүс сылбытын эмиэ национальнай таҥастаах ыытабыт», — диэн кини үллэһиннэ.
Ранис Камартдинов Саха сиригэр кыһын аан бастаан сылдьыбытын, уонна кинини манна хорсун санаалаах, эйэҕэс дьон олороллоругар өссө күүскэ итэҕэппитин эбэн эттэ.
Үөһээ Бүлүү улууһун баһылыга Валерий Николаев бэлиэтээбитинэн, бииргэ үлэлээһин бары таһымнарга ыытыллыаҕа, ол эрэн бастыҥ хайысхаларынан култуура атастаһыыта, тыа хаһаайыстыбата уонна сири-уоту сайыннарыыга уопут атастаһыыта буолуохтара.
«Култуура уонна тыа хаһаайыстыбатын эйгэтигэр көхтөөхтүк бииргэ үлэлэһиэхпитин баҕарабыт, бу хайысхаларга биһиги оройуоннарбыт бэйэ-бэйэлэриттэн элбэххэ үөрэниэхтэрин сөп. Ону таһынан, кинилэр уопуттарын кытта чугастык билсэр сыалтан Сабантуй бырааһынньыгар сылдьар былааннаахпыт», — диэтэ кини. Ону таһынан, пуорум чэрчитинэн Саха сирин уонна Астрахань уобалаһын муниципальнай тэриллиилэрин Сэбиэттэрин икки ардыларыгар бииргэ үлэлэһии туһунан, ону тэҥэ Ньурба оройуонун уонна Запорожье уобалаһын Куйбышевскай оройуонун икки ардыларыгар доҕордоһуу сыһыанын олохтуур туһунан сөбүлэһиилэр баттаннылар.
Түөкүттэр Арассыыйа олохтоохторун саҥа ньыманан албынныыр буолбуттар – бырааска суруйтарабыт диэн тус дааннайдарын ылаллар диэн…
Бэҕэһээ, тохсунньу 26 күнүгэр, Дьокуускай куоракка арыгы иһэн баран уруулга олорбут суоппар суол быһылаанын таһаарда. …
Саха норуотун биир киэн туттар киһитэ Алексей Андреевич Иванов-Күндэ өр сыллар тухары 1898 сыллаахха төрөөбүтэ…
Дьокуускай куоракка массыынаттан түөрт көлүөһэни уорбуттарынан РФ Холуобунай кодексын 158 ыст. 2 чааһынан холуобунай дьыала…
Тиихэй акыйаантан сылаас салгын салгыы кэлэн, Саха сирин киин, илин өттүн сылытыаҕа. Нэдиэлэтээҕи күн-дьыл туругун…
Ил Дархан Айсен Николаев СӨ баайга-дуолга уонна сир сыһыаннаһыыларыгар миниистирэ Павел Багынановы кытары көрүстэ. 2025…