Хаартыска Валерий Николаев телеграмм-ханаалыттан
Бүгүҥҥү туругунан Үөһээ Бүлүү улууһугар 7 ойуур баһаара баара биллэр.
Баһаары умуруорууга 335 киһи, ол иһигэр 50 десантник Тюмень уобалаһын «Авиалесохрана» тэрилтэтиттэн, 12 – Арассыыйа Ыксаллаах быһыытын-майгытын министиэристибэтин Кылаабынай салалтатыттан үлэлии сылдьаллар. Үөдүгэй нэһилиэгин баһаарын умуруорууга Дьокуускай куораттан эбии 15 устудьуону ыыттылар.
Саамай улахан баһаар Быракаан үрэҕэр сиригэр баар. Манна 117 киһи уонна 22 тиэхиньикэ үлэлиир. Оттон Үөдүгэй нэһилиэгин Муҥур Үрэҕэр турбут баһаарга 75 киһи уонна 10 тиэхиньикэ уоту кытары охсуһар. Бу баһаар Үөдүгэй (Андреевскай) нэһилиэгиттэн 10 км сиргэ баар.
Сургуулук нэһилиэгин Түҥэргэ турбут баһаарга 26 киһи уонна 5 тиэхиньикэ үлэлиир.
Өргүөт нэһилиэгиттэн 6 км, Куду сэлиэнньэтиттэн 8 км тэйиччи ойуур баһаара баар. Онно 88 киһи уонна 10 тиэхиньикэ баһаары утары охсуһа сылдьар.
Харбалаах нэһилиэгин Ньыкаагы диэн сиригэр турбут баһаарга 30 киһи уонна 3 тиэхиньикэ үлэлиир.
«От ыйын 23 күнүгэр 13:16 ч. Өргүөт нэһилиэгин Тонуочаан үрэҕэр саҥа баһаар тахсыбыта бэлиэтэннэ. Уот улахан сири сиэбитэ биллэр. Бу баһаар Өргүөттэ 60 км сиргэ турда. Итини таһынан эмиэ бэҕэһээ 11:55 ч. Быракаан нэһилиэгин Одунгда күөлүгэр ойуур баһаара тахсыбыта бэлиэтэннэ. Бу баһаар Быракаантан 44 км тэйиччи сиргэ турда. Баһаары умуруорууга киһи тиийбэт, онон биир дойдулаахтарбын көмөлөһөргүтүгэр ыҥырабын», — диэн Үөһээ Бүлүү улууһун баһылыга Валерий Николаев бүгүҥҥү балаһыанньаны кэпсээтэ.
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…
Арассыыйа Бэрэсидьиэнэ Владимир Путин пресс-кэмпириэнсийэни кытта холбоммут быһа сибээс кэмигэр дьиэ кэргэни өйөөһүҥҥэ улахан болҕомтону…
«Газпромбаан» вице-бэрэсидьиэнэ, «Үрдүкү технологиялаах мэдиссиинэ көмөтө» аһымал пуондатын сэбиэтин бэрэссэдээтэлэ Сергей Фурсенко Саха сиригэр оробуочай…
Эһиилги «Дыгын оонньууларын» чөмпүйүөнэ үс мөлүйүөн солкуобайы уонна 7 мөлүйүөн солкуобайтан тахса сыаналаах Дьокуускай куоракка…
Түөкүттэр тус дааннайдары сыыппараҕа көһөрөбүт диэн военкомакка “ыҥырар” саҥа исхиэмэни толкуйдаабыттарын ИДьМ матырыйаалларыгар сигэнэн ТАСС…
Дьокуускай олохтооҕо киһини өлөрөргө соруммутунан буруйдааҕынан билинилиннэ. Кини ритаульнай киинигэр киһиэхэ быһахтаах саба түспүт. 57…