Үөһээ Бүлүү улууһугар Бырабыыталыстыба отчуота Далыртан саҕаланна

Бүгүн Саха Өрөспүүбүлүкэтин ситэриилээх былааһын 2024 сыллааҕы үлэтин отчуота Үөһээ Бүлүү улууһугар Далыр нэһилиэгиттэн саҕаланна.

Бырабыыталыстыба отчуоттуур оробуочай бөлөҕө үс биригээдэнэн арахсан нэһилиэктэринэн үлэлиир.
Үөһээ Бүлүүтээҕи отчуоттуур бөлөҕү СӨ Бырабыыталыстыбатын Бэрэссэдээтэлин солбуйааччы Дьулустан Борисов салайар.
Бүгүн бастакы бөлөх Далырга, Мэйиккэ, Оҥхойго, иккис бөлөх Кырыкыйга, Дүллүкүгэ, Хомустаахха уонна үһүс бөлөх ыраах сытар Туобуйаҕа үлэлииллэр.
Оробуочай бөлөхтөр нэһилиэнньэни кытары көрсүһүүлэрэ, үгэс быһыытынан, Арассыыйа уонна Саха сирин өрөгөй ырыатыттан саҕаланна.

Ааптар хаартыскаларга түһэриитэ