Үөһээ Бүлүү улууһугар Саха Өрөспүүбүлүкэтин ситэриилээх былааһын уорганын үгэс буолбут ааспыт сыллааҕы отчуота түмүктэннэ. Олунньу 5-7 күннэригэр СӨ Бырабыыталыстыбатын Бэрэссэдээтэлин бастакы солбуйааччыта Дьулустан Борисов салайааччылаах отчуоттуур бөлөх улуус нэһилиэктэринэн сырытта.
Түмүктүүр мунньахха СӨ Бырабыыталыстыбатын бэрэссэдээтэлин бастакы солбуйааччыта Дьулустаан Борисов улуус киинин оройуоннааҕы култуура киинигэр мустубут дьоҥҥо Саха сирин ааспыт сыллааҕы үлэтин-хамнаһын, сайдыытын, ситиһиитин туһунан кэпсээтэ.
Отчуоттуур бөлөх чилиэннэрэ Үөһээ Бүлүү улууһугар мунньах иннинэ нэһилиэктэр социальнай эбийиэктэрин кэрийэн көрбүттэрин, олохтоохтору кытары көрсүбүттэрин кэпсээтилэр.
Мунньахха ОДьКХ, гаастааһын, социальнай уонна уопсай дьиэлэри тутуу, үөрэхтээһин саҥа систиэмэтин уонна доруобуйа харыстабылын боппуруостарын туруорустулар.
Түмүктүүр мунньахха үгүс нэһилиэктэр баһылыктара туруорсубут боппуруостарын хатылаатылар. Манна этиллибит үгүс боппуруос тута быһаарылынна. Олохтоохтор бэйэлэрин кыһалҕаларын уонна санааларын этиннилэр, ону тустаах, эппиэттээх министиэристибэлэргэ уонна биэдэмэстибэлэргэ сорудахтаан ыытарга эттилэр.
Үөһээ Бүлүү нэһилиэктэригэр холобур, сүрүн боппуруостарынан, Маҥаас нэһилиэгэр диэри суолу тутуу уонна өрүс уҥуор нэһилиэктэргэ
гаастааһыны туруорустулар. Онуоха отчуоттуур бөлөх тустаах исписэлиистэрэ гаастааһын 2026-2027 сс. саҕаланыаҕын быһаардылар.
Сорох нэһилиэктэргэ олохтоохтор успуорт сааланы, култуура кииннэрин, оскуоланы, хаарбах дьиэттэн көһөрүүнү, сир-уот, нүөлсүтүү, өртөөһүн уонна да атын кыһалҕаны туруорустулар.
Бырабыыталыстыба 2023 с. отчуота үс аҥар чаас буолла, онно нэһилиэнньэ боппуруостарыгар сөптөөх хоруйдар бэрилиннилэр. Былаас нэһилиэнньэни кытары олус истиҥник, аһаҕастык кэпсэттэ, элбэх кыһалҕалаах боппуруос этилиннэ.
Үөһээ Бүлүү улууһугар Бырабыыталыстыба отчуотун биһирииллэрин биллэрдилэр.
Бу күннэргэ Саҥа дьыл сүпсүлгэнэ саҕаланаары турар буолан, ас ырыынактарыгар испииһэк тутуурдаах дьон үксээбит. Өрүс…
“Дьоруойдар кэмнэрэ” бырагыраамаҕа кыттар сайаапкалары почтанан ылыы саҕаланна. Бу -- бырагыраама иккис түһүмэҕэ. Сайаапкалары билигин…
LETO куорат эйгэтин тупсаҕай оҥоруу киинэ Сэбиэскэй Сойуус Дьоруойа Федор Попов пааматынньыгын эскииһин оҥорууга күрэс…
Бу сыл ахсынньы 11 күнүгэр Былатыан Ойуунускай аатынан судаарыстыбаннас түмэлигэр киэн туттар биир дойдулаахпыт, комсомольскай,…
Филиппиныттан уонна Таилантан ахсынньы 14 күнүгэр ыытыллар «Вызов Севера» күрэхтэһиигэ кыттар боксердар бүгүн Дьокуускайга саамай…
Саха сиригэр анал байыаннай дьайыы кыттыылаахтарыгар уонна кинилэр дьиэ кэргэттэригэр анаан "Е-Якутия" порталга «Забота» электроннай…