Үөһээ Бүлүү улууһугар дьахтар атын киһи каартатыттан харчы уоран сууттаммыт

Үөһээ Бүлүү улууһун суута Холуобунай кодекс 158 ыст. 3 ч., “г” п. (баан каартатыттан харчы уоран, киһиэхэ биллэр хоромньу) буруйу оҥорбутунан,  олохтоох дьахтары сууттаабыт.   

Быйыл атырдьах ыйыгар сууттанааччы билэр дьахтарыгар ыалдьыттыы тиийэн баран, хаһаайка баанын каартатын уорбута быһаарыллыбыт. Уорбут каартатынан Үөһээ Бүлүү сэлиэнньэтин маҕаһыыннарыттан атыылаһан, хаһаайкаҕа 3 710 солк. суумалаах хоромньуну оҥорбут. Эмсэҕэлээччи каартата сүппүтүн билэн баран быраабы араҥаччылыыр уоргаҥҥа тиийэн, уорбут киһиэхэ холуобунай дьыаланы тэрийэллэригэр сайабылыанньа суруйбут.

Сууттанааччы буруйун билиммит, уорбут харчытын олоччу төнүннэрбит.

Суут киниэхэ 10 000 солк. кээмэйдээх ыстараабы кытта 1 сыл холоон көрөр болдьохтоох усулуобуйалаан 1 сыл 6 ый көҥүлүн быһарга уураахтаабыт. Ону таһынан, усулуобуйалаах болдьоҕун кэмигэр кэккэ эбээһинэстэр сүктэриллибиттэр.

Бириигэбэр сокуоннай күүһүгэр киирэ илик.

Бу туһунан СӨ сууттарын холбоһуктаах пресс-сулууспата суруйар.