Хаартыска: sakha.gov.ru
Саҥа филиал үлэтин туһунан киин, улуус уонна Ыччат дьыалаларыгар уонна социальнай коммуникацияларга министиэристибэ салайааччылара көрсөн кэпсэттилэр. Түмүгэр биэдэмистибэ уонна улуус икки ардыларыгар сөбүлэһии түһэрсилиннэ.
Ил Дархан Айсен Николаев сорудаҕынан саҥа филиаллары арыйыыга байыаннай сулууспалаахтары, демобилизацияламмыттары уонна кинилэр дьиэ кэргэттэрин кытта профессиональнай психологтар үлэлэрэ наадалааҕа бэлиэтэммитэ. Бу туһунан бүгүн, ыам ыйын 31 күнүгэр, киин дириэктэрэ Владимир Скрябин иһитиннэрдэ.
Маны таһынан, саҥа тэрилтэҕэ профессиональнай психологическай өйөбүлү ыларга ким баҕалаах тиийиэн сөп. Киин үлэтэ дьон психологическай доруобуйатын чөлүгэр түһэриигэ уонна бөҕөргөтүүгэ туһуланар.
Итини кытта психолог Саха сиригэр бөлөҕүнэн уонна биирдиилээн дьонунан терапия хайысхатыгар көһө сылдьар госпиталь үлэтин туһунан билиһиннэрдэ. Психологтар өлбүт уонна сураҕа суох сүппүт анал байыаннай дьайыы кыттыылаахтарын дьиэ кэргэттэрин кытта үлэлииллэр. Ыам ыйыгар 4 тыһыынча кэриҥэ саҥа уонна 4,6 тыһыынча биирдиилээн уонна бөлөҕүнэн үлэ көрүҥэ ыытыллыбыт.
Дьокуускайга филиалларынан 31-91-09 нүөмэринэн суруттарыахха сөп. Байыаннай сулууспалаахтарга уонна кинилэр чугас дьонноругар үлэ барыта босхо уонна анонимнай. Эрэл төлөпүөнэ: 8-800-100-35-50 эбэтэр 122, салгыы 6 уонна 2.
Бу үлэ Ил Дархан Айсен Николаев сорудаҕынан Саха сирин Бырабыыталыстыбатын бэрэссэдээтэлин солбуйааччы Ольга Балабкина салайыытынан оҥоһуллар.
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…