Үөһээ Бүлүү улууһун киин балыыһата мэдиссиинэ саҥа тэрилинэн хааччылынна

Үөһээ Бүлүүгэ оройуоннааҕы киин балыыһа 2025 сыл саҕаланыаҕыттан видеоэндоскоп, кольпоскоп, портативнай УЗИ-аппарааттанна.

Бу үлэ РФ Бэрэсидьиэнэ В.Путин көҕүлээбит «Продолжительная и активная жизнь» национальнай бырайыагын чэрчитинэн ыытыллар диэн СӨ доруобуйа харыстабылын министиэристибэтэ иһитиннэрэр.

—Национальнай бырайыактар бэйэ-бэйэлэрин ситэрсэн биэрэллэригэр, салҕаналларыгар, балыыһа мэдиссиинэ тиэхиньикэтинэн тиһиктээхтик хааччылларыгар махтанабын. 2024 сыллаахха доруобуйа харыстабылын бастакы сүһүөх звенотун саҥардыы бырагырааматын иитинэн, биһиги ФЛГ, рентген-тэрил ылбыппыт, онтон быйыл тиэхиньикэ саҥа баартыйатын туттубут. Бу биллэн турар, нэһилиэнньэҕэ мэдиссиинэ көмөтүн оҥорорго хаачыстыбаны тупсарар, — диэн этэр Үөһээ Бүлүү улууһун киин балыыһатын кылаабынай бырааһа Сардаана Павлова.

Сиһилии https://www.sakha.gov.ru/news/6828 манна ааҕыҥ.

СӨ Ил Дарханын уонна Бырабыыталыстыбатын пресс-сулууспата