Үөһээ Бүлүү улууһун биир бастыҥ волонтера байыастарга анаан туонна аҥаара аһы-үөлү бэлэмнээтэ

Үөһээ Бүлүү улууһун биир бастыҥ волонтера Ольга Захарова байыаннай дьайыы зонатыгар гуманитранай көмөнү ыытарга туонна аҥаара аһы-үөлү бэлэмнээтэ.

Байыастарга анаммыт баһыылкаҕа ыһаарыламмыт собо, тууһаммыт сордоҥ, алыһар, аджика, «глухаринай гнездо» бурдук аһа, бэрэски — барыта туонна аҥаара ыйааһыннаах ас-үөл бэлэмнэннэ.

«Хас гуманитарнай сырыыбыт ахсын байыастарга Ольга Захарова астаабыт аһылыгын тиксэрэбит. Гуманитарнай сырыыларга эрэ буолбакка, Ольга ыйга иккитэ байыаннай госпиталларга уонна байыаннай дьайыы зонатыгар бэйэтин көмөтүн тохтоло суох ыыта турар. Кини уонна балыксыт доҕотторо Кыайыы туһугар кылааттара сүҥкэн. Бултаабыт, астаабыт аһын инники кирбиигэ сэриилэһэ сылдьар, госпитальга бааһыран эмтэнэ сытар байыастар тутан махталлара муҥура суох. Күүстэригэр күүс эбэр, санааларын көтөҕөр, кыайыыга угуттуур баһыылкалары байыастар өрүү долгуйа кэтэһэллэр. Ольга Петровнаҕа улууспут үгүс олохтоохторо, тэрилтэлэрэ көмө буолан, волонтерскай хамсааһыныгар кҕөхтөөхтүк кыттыыны ылаллар. Ол курдук, бу сырыыга Үөһээ Бүлүүтээҕи И.Н. Барахов аатынан 1-кы нүөмэрдээх орто оскуола уонна И.И. Седалищев аатынан дьиэ кэргэҥҥэ иитиини өйүүр киин кэлэктииптэрэ бэрэскии буһаран бэлэмнээтилэр. Ону тэҥэ доҕотторо, биир дойдулаахтара балыгынан хааччыйан, ый ахсын күндү балык ыытыллар. Ольгаҕа уонна улуус бары волонтердарыгар истиҥ махталбытын биллэрэбит. Эһиги үтүө дьыалаҕыт Кыайыыны күнтэн күн чугаһатар!, — диэн Үөһээ Бүлүү улууһун дьаһалтатын пресс-сулууспата махталын биллэрдэ.