Үөһээ Бүлүү улууһун борокуратуурата элбэх оҕолоох дьиэ кэргэн быраабын көмүскүүргэ миэрэ ылла

Үөһээ Бүлүү улууһун борокуратуурата олохтоох дьахтар үҥсүүтүнэн бэрэбиэркэ оҥордо. Ол курдук элбэх оҕолоох ийэҕэ бэриллиэхтээх сир учаастага бэриллибэтэх.

Бэрэбиэркэ көрдөрбүтүнэн, элбэх оҕолоох дьиэ кэргэн уһаайба сирин ылыыга уһун кэмнээх уочаракка турбут эрээри тиксибэтэх. Кинилэри таһынан 128 киһи эмиэ уһаайба сиригэр тиксэ илигэ биллибит. Оройуон борокуратуурата Үөһээ Бүлүү нэһилиэгин баһылыгар уһаайба сиринэн уочаракка турааччылары хааччыйар туһунан сурук түһэрбит. Бу суругунан олохтоох дьаһалта саҥа сир учаастактарын тыырыы үлэтин тэрийэн саҕалаабыт.

Элбэх оҕолоох дьиэ кэргэн быраабын сөргүтүү үлэтэ борокуратуура хонтуруолугар сылдьар.