Үөһээ Бүлүү улууһун ЕДДС-н салайааччыта Егор Дмитриев байыастарга гуманитарнай көмөнү тарҕатар

Бу күннэргэ Үөһээ Бүлүү улууһун дэлэгээссийэтэ анал байыаннай дьайыы зонатыгар, Донецкай Норуодунай Өрөспүүбүлүкэҕэ сылдьан, 16 байыаһы кытта көрсөн, 27 аадырыстаах баһыылканы тиксэрэн төннөн иһэр.

Үөһээ Бүлүүттэн сылдьар байыастар үгүстэрэ Запорожье уонна Донецкай хайысхаларыгар сулууспалыыллар. Дэлэгээссийэ уопсайа 59 аадырыстаах баһыылканы тириэртэ.

Оттон улуустааҕы Биир кэлим диспетчерскэй сулууспа салайааччыта Егор Дмитриев салгыы Курскай, Белгород, Луганскай хайысхаларынан сылдьар. Бэҕэһээ Луганскайга сулууспалыы сылдьар байыастары көрүстэ.

Ол курдук, анаммыт баһыылкалары, гуманитарнай көмөнү 4 байыаска туттарда уонна 7 аадырыстаах баһыылкалары тиксэрдэ.