Үөһээ Бүлүү улууһун Хоро сэлиэнньэтигэр саҥа кытылы оҥордулар

Үөһээ Бүлүү оройуонун Хоро сэлиэнньэтигэр саҥа кытылы тутуу түмүктэннэ. Бу бырайыак “Дьиэ-уот уонна куорат эйгэтэ” национальнай бырайыак “Куорат тупсаҕай эйгэтин оҥоруу” федеральнай  бырайыагынан үлэҕэ киирдэ. Ону дойду Бэрэсидьиэнэ Владимр Путин көҕүлээбитэ. Бу соруктарын 2025 сылтан “Олох инфраструктурата” саҥа национальнай бырайыак толорор.

“Хоро кытыла” (“Набережная Хоро”) бырайыак 2024 сылга тупсаран оҥоруу Бүтүн Арассыыйатааҕы бастыҥ бырайыактарыгар куоластааһыҥҥа кыттыбыта. Онно 1038 киһи куоластаабыта.

2024 сылга сэлиэнньэ актыбыыстара бырайыагы талбыттара. Бырайыагы оҥорууга сүрүн соругунан аныгы сынньанар сири тэрийии уонна айылҕаҕа харыстабыллаах сыһыан буолбута.

Бу кытыл сэлиэнньэ киинигэр баар, хас да зонаттан турар. Эбийиэккэ киириигэ ааркалаах. Сэргэ уонна балаҕан бу бырайыакка ураты колориты биэрэллэр, төрүт үгэһи уонна аныгы көрүҥнэри тэҥҥэ дьүөрэлииллэр.

“Набережная Хоро” диэн фирменнэй бэлиэҕэ болҕомто уурулунна. Бу сахалыы оһуордаах-мандардаах, үүнээйи сэбирдэхтээх уонна сэлиэнньэ аатын улахан буукубатыттан турар.

Сценалааҕа уонна амфитыйаатырдааҕа харахха быраҕыллар. Оҕолорго оонньуур былаһааккалаах канаатынай комплекстаах. Көрөргө табыгастаах хаачыаллардаах былаһаакка баар.

Атыыр оҕус быһыылаах аныгы көрүҥнээх ыскамыайкалар табыгастаахтар. Бу архитектура көрүҥэ суолтата дириҥ: нэһилиэги түргэн оҕуһунан кэлбит Улуу Хоро диэн киһи төрүттээбит.

Бырайыагы Юрий Ероев уонна Ариан Потапов салайааччылаах “СК Баланс” ХЭТ бэдэрээтчит тэрилтэ оҥорбуттар.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Сиһилии: https://www.sakha.gov.ru/news/11936