Үөһээ Бүлүү үөдүгэйдэрэ ойуур баһаарыгар сылдьар дьонноругар күн аайы көмө ыыталлар

Үөһээ Бүлүү улууһун Үөдүгэй нэһилиэгин олохтоохторо ойуур баһаарын умуруорууга үлэлэһэ сылдьар дьонноругар көмөлөрө салҕанар.

“Нэһилиэкпит урбаанньыттара, тэрилтэлэрэ, түмсүүлэрбит, олохтоохтор, улуус тэрилтэлэрэ икки нэдиэлэ устата күн аайы тохтоло суох аһынан-үөлүнэн, утары туттар малынан көмө оҥоро тураллар. Ол курдук, Кудуттан төрүттээх, хас да ыҥырыыга Үөдүгэй нэһилиэгин дьокутаатынан үлэлээбит Марфа Еттянова, өрүү спонсордыыр меценаппыт Николай Еттянов салайааччылаах «Мааппа» маҕаһыын 35000 солкуобай суумалаах аһы-үөлү аҕалан туттардылар. Ойуур баһаарын умуруорууга бу курдук бары күүспүтүн холбоон, ыксаллаах, ыарахан кэми бииргэ, түмсүүлээхтик аһарыаҕыҥ”, диэн ыҥыран суруйда бэйэтин телеграм-ханаалыгар олохтоох дьаһалта.