Үөһээ Бүлүүгэ +31 кыраадыс дуо?

Аныгы кэмҥэ дьон сурахха-садьыкка олус итэҕэйэр буолла. Бүгүн Үөһээ Бүлүү улууһугар 31 кыраадыс итии буолбут диэн сурах тарҕанна.

Төһө кырдьыгын билээри туоһуласпыппытыгар, Далыр нэһилиэгин баһылыга Георгий Иванов бу курдук хоруйдаата:

— Сымыйа сурах буоллаҕа. Хантан 31 кыраадыс итии буолуоҕай? Сөрүүн. Былытырда. Бөөлүүн ардахтаабыт этэ. Дьиэбэр эбиэккэ бэлисипиэтинэн халтаҥ сонноох бара сырыттым. Төрүт да буспатым. 17 кыраадыс.