Үөһээ Бүлүүгэ 48 саастаах киһи бэлисипиэт уорбут

Үөһээ Бүлүүтээҕи полиция дьуһуурунай чааһыгар олохтоох киһи бэлисипиэдин уордарбытын туһунан иһитиннэрбит. Эмсэҕэлээччи эппитинэн, киэһэ биллибэт киһи элбэх кыбартыыралаах дьиэ кыладыапкатыгар киирэн, 11 тыһ.солк. суумалаах бэлисипиэди уоран барбыт. Бу туһунан СӨ ИДьМ пресс-сулууспата суруйар.

Холуобунай ирдэбил үлэһиттэрэ эрдэ хаста даҕаны сууттана сылдьыбыт 48 саастаах киһи уорбаланарын быһаарбыттар.

Бу киһи кыладыапка кэннинэн киирэн, бэлисипиэди уоран барбыт. Уорбут тырааныспарын билэр дьонугар илдьэн кистээбит, салгыы бэйэтэ туһанар санаалаах эбит. Кини эргэ көлүөһэлэри саҥаҕа уларыппыт.

Уоруллубут төннөрүллүбүт. Холуобунай дьыала тэриллибит.