Үөһээ Бүлүүгэ алименщигы хаайыыга ыыппыттар

Үөһээ Бүлүү улууһугар алименнары төлүүртэн куотуна сылдьыбыт эр киһини хаттаан көҥүлүн быһарга бириигэрбэрдээбиттэр. Суут Арассыыйа Холуобунай кодексын 157 ыстатыйатын 1 чааһыгар көрүллэр буруй оҥоһуллубута дакаастаммытын билиннэ. Үөһээ Бүлүү борокуратуурата судаарыстыба буруйдааһынын өйөөтө.

Бу киһи эрдэ эмиэ бу ыстатыйанан буруйга тардыллан, хаайыыга киирэ сылдьыбыт, 2022 сыл алтынньытыгар босхоломмут. Ол эрэн, көҥүлгэ тахсан баран, сааһын ситэ илик оҕолорун хааччыйаарга кыттартан эмиэ аккаастана сылдьыбыт.

Бу сырыыга буруйдааҕы 4 ый уопсай холуонньаҕа ыытарга уураах таһаарбыт. Суут уурааҕа сокуоннай дьайыыта олоххо киирэ илик.