Хаартыска: улуус баһылыга Валерий Николаев ТГ-ханаалыттан
Бүгүн, от ыйын 24 күнүгэр, Үөһээ Бүлүүгэ Арассыыйа Дьоруойун Алексей Петрову чиэстиир бэлиэ күн ыытыллар.
Тэрэһиннэр чэрчитинэн О.Д. Федорова аатынан улуустааҕы киин модельнай бибилэтиэкэҕэ байыаннай кэрэспэдьиэн, байыаннай дьайыы волонтера Александр Николаевич Седалищев тиһэн суруйбут ыстатыйаларынан «Боевые штурмы «Медведя»» диэн кинигэ сүрэхтэниитэ ыытылынна.
Бу кинигэҕэ Арассыыйа Дьоруойа, ефрейтор Алексей Петров байыаннай дьайыы уоттаах хонуутугар бойобуой сырыыларын, өстөөх саһан сытар сирдэригэр кимэн киириилэрин, кырыктаах кыргыһыыларын туһунан киэҥ эйгэҕэ сырдатар чаҕылхай ахтыылара суруллан бэчээттэннэ.
«Байыаннай дьайыы сиригэр байыастары кытта тэҥҥэ сылдьан саллааттар бойобуой сырыыларын сурукка тиһэн, бэлиэтээн, киэҥник тарҕата сылдьар, дьиҥнээх дойду патриотугар, кинигэ ааптарыгар Александр Николаевичка махталбытын тиэрдэбит. Александр Николаевич биһиги байыаспыт Алексей Рафаилович Дьоруой үрдүк аатын сүгэригэр, хорсун быһыыта бэлиэтэнэригэр сүҥкэн кылааты киллэрбит сүдү үтүөлээх. «Боевые штурмы «Медведя»» диэн кыра да буоллар, олус чаҕылхай түгэннэри ойуулаабыт кинигэни улууспут дьоно-сэргэтэ улуустааҕы киин бибилэтиэкэтиттэн ылан ааҕыаххытын сөп. Биир дойдулаахпыт, Арассыыйа Дьоруойун Алексей Петров дойдубут көмүскэлин, харысхалын туһугар хайдахтаах курдук уоттаах-төлөөннөөх киирсиилэри ааспытын биир бастакынан ааҕан билсиҥ!», — диэн улуус баһылыга Валерий Николаев ТГ-ханаалыгар суруйар.
Салгыы күнүс 15:00 чаастан Үөһээ Бүлүүтээҕи оҕо ускуустубатын оскуолатыгар Арассыыйа Дьоруойун чиэстээһиҥҥэ бар дьону кытта көрсүһүү ыытылынна. Ити кэмҥэ Арассыыйа Дьоруойугар Алексей Петровка Үөһээ Бүлүү улууһун 21 нэһилиэгэ 21 убаһаны бэлэх туттарда.
Эдэрдэри үөрэн-көтөн эҕэрдэлиир массыыналар суоппардара суолга кутталлаах быһыыны-майгыны үөскэппиттэр, сорохторо төлөммөтөх ыстарааптаах буолан биэрбиттэр. Бэҕэһээ…
Ханнык баҕарар тимир көлө мотуорун арыыта кэмигэр уларытыллан иһиэхтээх. Тиэхиньиичэскэй ирдэбил, быраабыла быһыытынан, тимир көлө…
От ыйын 25 күнүгэр Арассыыйа бырабыыталыстыбата эрэгийиэҥҥэ хамнас хайдаҕыттан уонна дьиэ кэргэн төһө оҕолооҕуттан көрөн…
Өрөспүүбүлүкэҕэ 2025 сылга туһунан категориялаах дьону үлэҕэ ылыыны көҕүлээн, 74 киһини үлэҕэ киллэриэхтэрэ, диэн Дьарыктаах…
Айсен Николаев Чернышевскай уулуссаҕа Cosmos брендинэн тутулла турар Уһук Илиҥҥэ бастакы түөрт сулустаах гостиница тутуутун…
Алдан улууһун Якокит сэлиэнньэтигэр хотугу тыйыс усулуобуйаҕа үөрэтиллибит мас үнүгэстэрин маассабайдык үүннэрэргэ анаан 600 кв.…