Хаартыска Валерий Николаев телеграмм-ханаалыттан
Үөһээ Бүлүү улууһугар бүгүҥҥү туругунан 7 ойуур баһаара баар. Баһаары утары уопсайа 402 киһи охсуһар диэн Үөһээ Бүлүү улууһун дьаһалтатын пресс-сулууспата иһитиннэрэр.
Бу күннэргэ эбии ХИФУ устудьуоннарын этэрээтэ кэлэн көмөлөһө сылдьар. Ойуур баһаарын умуруорууга олохтоох нэһилиэнньэттэн 178, Жатай бөһүөлэгиттэн, Горнай уонна Нам улуустарыттан судаарыстыбаннай баһаарынай сулууспа 22 байыаһа, «Якутлесресурс» тэрилтэ, ол иһигэр Ньурба, Кэбээйи уонна Дьокуускай куорат филиалларыттан 75 киһи сылдьар.
Эбии «Авиалесоохрана» тэрилтэттэн 17 парашютист, 25 десантник, ЫБММ 12 үлэһитэ, ойуур хаһаайыстыбатыттан 121 киһи үлэлиир.
Быракаан үрэҕэр баһаар 16.390 га иэннээх сири сиэтэ, онно 110 киһи уонна 22 тиэхиньикэ үлэлиир. БЕ-200 үөһэттэн ууну ыһар сөмөлүөт үлэлиир. Оттон Үөдүгэй нэһилиэгин Муҥур Үрэҕэр уот 7096 га иэннээх сири сиэтэ, онно 84 киһи уонна 9 тиэхиньикэ үлэлиир. Ойуур баһаара хоту уонна илин хайысхаларга тарҕамматын туһугар уоту кытары түүннэри-күнүстэри охсуһаллар. Бүгүҥҥү туругунан ойуур баһаара турбут сиригэр дохсун ардах түһэр.
Сургуулук нэһилиэгин аттыгар Түҥҥэ турбут уокка 82 киһи уонна 6 тиэхиньикэ үлэлиир. Түҥ үрэх соҕуруу уонна арҕаа кытыытыгар уот тахсыытын тохтоторго үлэ барар. Уоту тохтотор балаһа хаһыллар уонна утары уот ыытыллар.
Өргүөт сиригэр тахсыбыт баһаарга 98 киһи уонна 100 тиэхиньикэ үлэлиир. Уоту соҕуруулуу-арҕаа өттүгэр минерализацияламмыт балаһа тутан турар. Билиҥҥитэ уот соҕуруу салгыы барбатын курдук бохсуу үлэтэ барар. Ааспыт күннэргэ Бе-200 сөмөлүөт, МИ-8 бөртөлүөт үлэлээтэ.
Харбалаах сэлиэнньэтиттэн 39 км тэйиччи Ньыкааҕы сиригэр 15 киһи уоту кытары охсуһар. Билиҥҥитэ ойуур баһаарын илин уонна арҕаа хайысханан тарҕанар кутталын тохтоторго үлэ барар. Уоту кытары охсуһааччылар илиилэринэн хаһан минерализованнай балаһа оҥороллор. Оттон Тоҥуочаан үрэх баһаарыгар 5 олохтоох киһи үлэлиир. Бу баһаар Өргүөттэн 60 км тэйиччи сиргэ турбута.
Быракаан сэлиэнньэтин аттыгар 42 км сиргэ Одуҥда күөлүгэр эмиэ 5 киһи уоту кытары охсуһар. Күн-дьыл туругуттан уот күөдьүйэн тахсар куттала баарынан, олохтоох нэһилиэнньэттэн эбии дьону көмөҕө ыҥыраллар.
Арассыыйа Юстицияҕа министиэристибэтэ суут үлэтигэр сыһыаннаах саҥа бырайыагы бэлэмнээтэ диэн Ил Түмэн иһитиннэрэр. Мировой суукка…
Быйыл күһүн Мэҥэ Хаҥалас улууһугар Маттаҕа аҕам саастаах уонна доруобуйаларынан хааччахтаах дьон дьиэлэрэ үлэҕэ киириэхтээх.…
ИДьМ 2-с нүөмэрдээх полиция салаатын дознавателэ куорат биир оскуолатыгар тахсыбыт быһылаанынан РФ Холуобунай Кодексын 163-с…
Ил Дархан Айсен Николаев 2024 сыл түмүгүнэн “Водоканал” АУо үпкэ-хаһаайыстыбаҕа үлэтин түмүгүн көрөр мунньахха, Дьокуускай…
Көлүөнэттэн-көлүөнэҕэ бэриллэр бит-билгэ арааһа баар. Үгүс дьон онно олуһун итэҕэйэр, оттон сорохтор наадыйбаттар, улахаҥҥа уурбаттар.…
АЛРОСА Саха сирин бырабыыталыстыбатын уонна Хотугу сир аҕыйах ахсааннаах төрүт норуоттарын ассоциациятын кытары хардарыта бииргэ…