Ил Дархан, бырабыыталыстыба пресс-сулууспата
Анал байыаннай дьайыы кыттыылааҕа Семен Васильев Үөһээ Бүлүү улууһун дьаһалтатын тыа хаһаайыстыбатын управлениетын салайааччытынан ананна.
Семен Семенович 2022-2024 сылларга байыаннай дьайыыга хантараагынан сулууспалаабыта. Ол иннигэр «Чолбон» ТХПК биригэдьиир-мэхээнньигинэн, Харбалаах нэһилиэгин баһылыгынан, Эдьигээн улууһун «Кыстатыам» МУП дириэктэринэн, Нам улууһун «Эт-Ас» ХЭТ дириэктэринэн, Дьокуускай куорат дьаһалтатын тыа хаһаайыстыбатын управлениетын дириэктэрин солбуйааччынан үлэлээбитэ.
Кини Дьокуускайдааҕы тыа хаһаайыстыбатын тиэхиньикумун бүтэрбитэ. Маны тэҥэ, Уһук Илиннээҕи судаарыстыбаннай сулууспа академиятын «Судаарыстыбаннай уонна муниципальнай салалта» салаатын бүтэрбитэ.
Ил Дархан сорудаҕынан, өрөспүүбүлүкэҕэ «Саха сирэ — Дьоруойдар дойдулара» диэн каадыр бырагыраамата үлэлиир.
— Байыастарбыт кыайыы көтөллөөх эргилиннэхтэринэ, былаас уонна уопсастыба иннигэр дьоһун сорук турар. Кинилэр эйэлээх олоххо төннөллөрүгэр көмөлөһүөх тустаахпыт. Байыас толору реабилитацияны ааһарын, үлэ буларын, идэ ыларын хааччыйыахтаахпыт. Бырабыыталыстыбаҕа, улуустар баһылыктарыгар байыаннай сулууспалаахтар бары хайысханан социальнай адаптацияларыгар үлэни күүһүрдэргэ сорудахтыыбын, — диэн Айсен Николаев бэлиэтээбитэ.
Ил Дархан, бырабыыталыстыба пресс-сулууспата.
Муус устар 3 күнүгэр «Сэргэлээх уоттара» култуура киинигэр Василена Шарина-Улан «Турук» диэн бастакы моно-перфоманс кэнсиэрэ…
Быйыл кулун тутар ыйга полицияҕа Дьокуускай куорат 77 саастаах олохтооҕо түөкүттэр сиэртибэлэрэ буолбутун уонна мөлүйүөн…
Ханнык баҕарар дойдуга кыратыттан, улаханыттан тутулуга суох, төрөөбүт-үөскээбит сирин дьонун-сэргэтин дириҥ ытыктабылларын ылбыт, киэн туттуулара…
Бэс ыйын 4-8 күннэригэр Дьокуускайга «Спортивные якутяне» Саха сирин үөрэнээччилэрин спартакиадатын финальнай түһүмэҕэ ыытыллыаҕа. Бэлэмнэнии…
Росгвардия территориальнай управлениетын ОМОН баазатыгар «Бизон» этэрээт тэриллиитин күнүгэр үөрүүлээх тэрээһин буолан ааста. «Бизон байыастарын…
Ис-тас атыы-эргиэн арыта аһара баран, аны дуоллар тиһигэ туллаҥнаан Эмиэрикэлэр экэнэмиэкэлэрин "эргичитэллэр".