Хаартыска : T.me/ValeriNikolaev
Бу күннэргэ Үөһээ Бүлүү улууһугар байыаннай дьайыы бэтэрээннэрин ассоциациятын тэрийэр киэҥ ыҥырыылаах тэрээһин буолан ааста.
Сүбэ мунньахха Үөһээ Бүлүү улууһун байыаннай дьайыы бэтэрээннэрин түмсүүтүн кэҥэтэн, байыаннай дьайыы кыттыылаахтарын киллэрэн, үлэ хайысхатын элбэтэн, ассоциация тэрийэргэ быһаарыы ыллылар.
«Биһиги улууспутуттан эйэлээх олох кэмигэр буолбут Афганистан — 3 , Сирия — 2 уонна Чечня 68 сэрии кыттыылаахтара барыта сэттэ уонча байыас, ону тэҥэ дойдуга буола турар байыаннай дьайыы кыттыылаахтара бааллар. Бары байыаннай дьайыы кыттыылахтарын түмэр уопсастыбаннай тэрилтэни тэрийиини мунньах кыттыылаахтара, байыаннай дьайыы бэтэрээннэрэ биир санаанан бигэргэттилэр.
Ассоциация — биһиги ортобутугар үлэлии, айа-тута сылдьар “байыаннай дьайыы бэтэрээнэ“ ааты сүгэр биир дойдулаахтарбытыгар өйөбүлү биллэрэн тэрилиннэ. Маны тэҥэ, үөрүүлээх быһыыга-майгыга байыаннай дьайыы кыттыылааҕар Василий Яковлевка “Байыаннай дьайыы бэтэрээнэ” дастабырынньаны туттардым. Сүбэ мунньахха ассоциация бэрэссэдээтэлинэн куоластааһын түмүгүнэн, Бүлүү улуустарыгар быыһыыр сулууспа этрээтин салайааччыта, байыаннай дьайыы кыттыылааҕа, «Саллаат аҕата» мэтээл хаһаайына, СӨ үөрэҕэриитин туйгуна, СӨ быыһыыр сулууспа туйгуна Михаил Ан талылынна. Кини солбуйааччытынан Сирия уонна Украина байыаннай дьайыыларын бэтэрээнэ, «За Отвагу» уонна «Черный крест» мэтээллэр хаһаайыннара Владимир Поскачин талылынна.
Ассоциация саҥа талыллыбыт бэрэссэдээтэлигэр Михаил Васильевичка уонна бэрэссэдээтэли солбуйааччыга Владимир Вячеславовичка эппиэтинэстээх уонна улахан суолталаах уопсастыбаннай үлэҕитигэр ситиһиилэри баҕарабын. Үөһээ Бүлүү улууһун байыаннай дьайыы бэтэрээннэрин ассоциацията биир дойдулаах байыастарбытыгар, хорсун буойуннарбытыгар көмө, тирэх буоллун!» диэн суруйда бэйэтин телеграм-ханаалыгар Үөһээ Бүлүү улууһун баһылыга Валерий Николаев.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…