Хаартыска: Үөһээ Бүлүү улууһун дьалтатын пресс-сулууспата
Быракаан нэһилиэгин территориятыгар 5380 га иэннээх ойуур баһаарын утары уопсайа 82 киһи, 20 тиэхиньикэ үлэлиир диэн Үөһээ Бүлүү улууһун дьаһалтатын пресс-сулууспата иһитиннэрэр.
«Минерализованнай балаһаны оҥоруу үлэтэ бара турар, уот бохсуллар. «Кэнтик нэһилиэгин территориятыгар 585 га иэннээх ойуур баһаара бохсулунна. Баһаары уопсайа 15 киһи маныыр, 5 тиэхиньикэ үлэлиир. Оҥхой нэһилиэгин Хомустааҕар тахсыбыт 904 га иэннээх ойуур баһаара эмиэ бохсулунна. Уоту манааһыҥҥа уопсайа 32 киһи, ону тэҥэ 5 тиэхиньикэ үлэлиир.
Үөдүгэй нэһилиэгин Муҥу Күөл диэн сиригэр 875 га иэннээх ойуур баһаарын умуруорууга уопсайа 29 киһи, 3 тиэхиньикэ үлэлиир. Сургуулук нэһилиэгиттэн 26 км тэйиччи сытар Түҥ диэн сиргэ ойуур баһаара 1725 га иэннээх сири сиэтэ. Ойуур баһаарын умуруорууна уопсайа 13 киһи үлэлиир.
Нам нэһилиэгин Тарыҥар, ҥӨргүөттэн 14 км тэйиччи сытар сиргэ ойуур баһаара бүгүҥҥү туругунан 1360 га иэннээх. Ойуур баһаарын умуруорууга 8 киһи, 1 Т-150 тыраахтыр үлэлиир», — диэн улуус баһылыга Валерий Николаев кэпсээтэ.
Санатар буоллахха, Үөһээ Бүлүү улууһугар от ыйын 18 күнүгэр БЕ-200 амфибия сөмөлүөт үлэлээбитэ. Билигин минерализованнай балаһалары оҥоруу, манааһын, уоту утары ыытыы үлэтэ барар.
Харбалаах нэһилиэгин Ньыкакы үрэҕэр турбут ойуур баһаарын иэнэ бүгүҥҥү туругунан 234 га. Ойуур баһаарын умуруорууга 25 киһи, 3 тиэхиньикэ үлэлиир. Кэнтик нэһилиэгэр Тоҥуо сиригэр тахсыбыт 6 га иэннээх саҥа турбут ойуур баһаарын «Авиалесохрана» тэрилтэ инструктора Дьулустаан Дмитриев салайааччылаах 6 киһилээх этэрээт умуруордулар.
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…