Хаартыска: Үөһээ Бүлүү улууһун дьаһалтатын пресс-сулууспата
Үөһээ Бүлүү улууһугар «Бүлүү» федеральнай суол управлениета федеральнай бүддьүөттэн үп-харчы көрүллэригэр ситиһиилээхтик үлэлэһэн, Чаллыртан Түүкээн үрэххэ диэри 10 км усталаах федеральнай суолу оҥоруохтара.
«Сыл ахсын саас, күһүн улахан кыһалҕаны көрсөр улуус ололхтоохторо суолу оҥоруу туһунан бырабыыталыстыба отчуотугар да, Тырааныспар министиэристибэтигэр да этинэн, «Бүлүү» федеральнай суол управлениета федеральнай бүддьүөттэн үп-харчы көрүллэригэр үлэлэстэ. Түмүгэр Чаллыртан Түүкээн үрэххэ диэри 10 км усталаах федеральнай суолу оҥорууга үлэ ыытыллыаҕа», — диэн улуус баһылыга Валерий Николаев ТГ-ханаалыгар биллэрдэ.
Ити курдук, федеральнай бүддьүөттэн Чаллыртан Түүкээҥҥэ диэри суолу өрөмүөннээһиҥҥэ 2025 сылга — 35 мөл. солк., 2026 сылга — 65 мөл. солк., 2027 сылга — 383 мөл. 161 тыһ. солк. суума үп-харчы көрүлүннэ.
Маны сэргэ, быйылгы сылтан Түүкэн үрэхтэн Бүлүү өрүскэ диэри федеральнай суолу РИК «Автодор» Ньурбатааҕы салаата көрөр-истэр буолуоҕа.
Билиҥҥи туругунан «Бүлүү» федеральнай суол 661, 663 уонна 665 км учаастактарын халаан уута быһан турар. РИК «Автодор» Ньурбатааҕы салаата халаан уута түһүөр диэри үлэни тохтотто. Суолу оҥоруу үлэтэ уу таһыма түстэҕинэ сөргүтүллүөҕэ, диэнҮөһээ Бүлүү улууһун дьаһалтатын пресс-сулууспата суруйар.
Санаттахха, РИК «Автодор» Үөһээ Бүлүүтээҕи салаатыгар 1 грейдер бэриллэн, анал тиэхиньикэ Чыбыыда-Үөһээ Бүлүү трассатын көрүүгэ-истиигэ үлэлиэҕэ.
Уу эбийиэктэригэр буруйу оҥорууну уонна быһылааны тахсыытын сэрэтэр, туоратар сыалтан, барыбыттан болҕомтолоох буолуу ирдэнэр. Уу эбийиэктэригэр куттал суох буолуута – биһиги барыбыт уопсай эппиэтинэспит. Бэйэбит уонна чугас дьоммут олохторун, доруобуйаларын харыстыыр туһугар, бары ирдэбиллэри тутуһан, сэрэхтээх буолуоҕуҥ! Этэҥҥэ сылдьыҥ!
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…