Үөһээ Бүлүүгэ дьахтар тыраахтар көлүөһэтин анныгар киирэн биэрэн, тыына быстыбыт

Ааспыт сууккаҕа Саха сиригэр сэттэ буруйу оҥоруу буолбутун туһунан СӨ дьуһуурунай борокуруора иһитиннэрэр.

 Дьокуускай куорат, Мииринэй оройуонун Алмазнай бөһүөлэгин олохтоохторуттан түөкүттэр 2,9 мөл.солк. суйдаабыттар.

Дьокуускайга наркотигынан эргиммиттэрэ биллибит.

Киин куоракка 1982 с.т. эр киһи Дзержинскай уул. баар дьиэ тиэргэнигэр күлүгээннээн, бэстилиэтинэн биирдэ ыппыт. Туох буолбута быһаарыллар.

Үөһһээ Бүлүү сэлиэнньэтиттэн 25 км тэйиччи сытар Кэникээн диэн сиргэ 1991 с.т. дьахтар Т-16 тыраахтар буксуйан турдаҕына сиргэ ыстанаары, эрийэ турар көлүөһэ анныгар киирэн биэрбит. Ылбыт эчэйиилэриттэн тыына быстыбыт.

Итиэннэ Нерюнгрига уонна Тааттаҕа суол саахаллара буолбуттар, түөрт киһи госпитализацияламмыт.

Суукка иһигэр итирик туруктаах 14 суоппары туттулар.