Үөһээ Бүлүүгэ дьиэлэри халыыр киһини туттулар

ИДьМ Үөһээ Бүлүүтээҕи салаатын холуобунай кодексын үлэһиттэрэ эрдэ сууттана сылдьыбыт 48 саастаах киһи хас даҕаны дьиэни халааһыҥҥа уорбаланарын быһаардылар. Бу туһунан СӨ ИДьМ пресс-сулууспата иһитиннэрэр.

Полицейскайдар быһаарбыттарынан, кулун тутартан ыам ыйыгар диэри уорбаланааччы дьон дьиэлэригэр суохтарына киирэн, ону-маны уорбут. Кини түннүктэри тууран эбэтэр ааннары алдьатан киирэр эбит.

Бу киһи биэс дьиэттэн матасыыкылы, гироскутеры, суотабай төлөпүөннэри, үнүстүрүмүөннэри уо.д.а. уорбута биллэр. Хоромньу уопсай суумата 61 тыһ.солк. тахсаҕа тэҥнэспит.

Уоруллубуту уорбаланааччы бэйэтин дьиэтигэр харайа сылдьыбыт. Дьэҥдьиир кэмигэр бу маллары булан, хаһаайыттарыгар төннөрбүттэр.

Уорууларынан холуобунай дьыала тэриллибит.