Саха Өрөспүүбүлүкэтин күнүн көрсө СӨ Бырабыыталыстыбатын бэрэссэдээтэлин бастакы солбуйааччы Дьулустаан Борисов Саха АССР төрүттэспит биллиилээх судаарыстыбаннай, уопсастыбаннай-бэлитиичэскэй диэйэтэл Исиидэр Бараахап пааматынньыгар сибэкки дьөрбөтүн ууруу үөрүүлээх сиэригэр-туомугар кыттыыны ылла.
«Исиидэр Бараахап бэйэтин кэмигэр биир саха норуотун уһулуччулаах киһитэ буолара, мэлдьи норуотун кэскилин туһунан толкуйдуура. Кини эдэр сааһа устуоруйаны тосту уларытыы, сэрии уонна өрөбөлүүссүйэ кэмигэр, ааспыта. Эдэр сааһыгар быстыбыт олоҕун бүтүннүүтүн анаан-минээн норуотун туһугар анаабыта, өрөспүүбүлүкэ интэриэһин көмүскээбитэ — кини саха норуотун чулуу уола. Исиидэр Бараахап аатын үөһээ бүлүүлэр бары оҕо саастарыттан биллэллэр. Кини хаалларбыт нэһилиэстибэтэ патриотизм тыынын иитэр уонна үөрэтэр. Ыччаттар уһулуччулаах судаарыстыбыннай диэйэтэл туһунан өйдөбүлү харыстыыллар», — диэн бэлиэтээтэ Дьулустаан Борисов.
Кини Саха Өрөспүүбүлүкэтин күнүнэн эҕэрдэлээтэ уонна Үөһээ Бүлүү улууһа чэчирии сайдарыгар баҕа санаатын тиэртэ. Ити кэннэ бастакы вице-премьер Харбалаах нэһилиэгэр Исиидэр Бараахап аатынан СӨ Судаарыстыбаннаһын түмэлигэр, анал байыаннай дьайыы кыттыылаахтарын өйүүр «Дойдум тыына» волонтердар иис сыаҕар сырытта, орто оскуола уонна оҕо уһуйаана эбийиэктэрин көрдө.
Дьулустаан Борисов оробуочай сырыытын кэмигэр Үөһээ Бүлүү улууһун баһылыга Валерий Николаевы кытта көрүстэ уонна улуус социальнай-экэнэмиичэскэй сайдыытын боппуруостарын дьүүллэстэ.
СӨ Ил Дарханын уонна Бырабыыталыстыбатын пресс-сулууспата
Улууска өрөмүөн үлэлэрэ номнуо саҕаланнылар. Улууска ууттан эмсэҕэлээбит суоллар сорох учаастактарыгар үлэ саҕаланна. "Дьокуускайтан эбии…
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…