Хаартыскаҕа Андрей Сорокин түһэриитэ, СИА
Бүгүн, от ыйын 19 күнүгэр, парашютистар уонна десантниктар Үөһээ Бүлүү улууһугар ойуур уотун умуруорууга бараллар. Бу бөлөх Уус Маайаттан тиийэр.
Бөлөххө Тюмень уобалаһыттан кэлбит 50 парашютист уонна десантниктар, олохтоох «Авиалесоохранаттан» 20 киһи бааллар.
Үөһээ Бүлүү улууһугар бүгүҥҥү күҥҥэ аҕыс баһаар бэлиэтэнэр. Уот хаппыт иэнэ 11 тыһ. гектартан тахса. Манна чугастааҕы 5 нэһилиэнньэлээх пуун киирэр. Икки ойуур баһаара бохсуллубут, умуруорууга үлэ ыытыллар.
«Синоптиктар этэллэринэн, манна чугастааҕы күннэргэ ардах түһэрэ күүтүллүбэт. Онон балаһыанньа уусутугуруон сөп. Билигин онно 200-тэн тахса киһи үлэлии сылдьар. Онтон 40% олохтоох дьон. Улуус олохтоохторо ойуур уотун умуруорууга турунан кытталлар. Түмсүүлээхтэр уонна сыралара түмүктээх буоларыгар соруналлар», — диир СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников.
Бэҕэһээ, от ыйын 18 күнүгэр, Өргөт сэлиэнньэтиттэн 12 км сиргэ РФ ЫБМ Бе-200 салгын аала үлэлээбитэ. Салгын аала бүгүн онно үлэтин салгыыр.
Саха сиригэр суукка саҕаланыыта 134 ойуур баһаара, 3 ландшафтнай баһаар баара бэлиэтэммитэ. Ойуур уотун умуруорууга 1800 кэриҥэ киһи, 100-тэн тахса тиэхиньикэ үлэлиир. Уоту умуруорууга Ми-8 бөртөлүөт үлэлиир, 16 борт ботурууллуур.
СӨ Ил Дарханын уонна Бырабыыталыстыбатын пресс-сулууспата
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…