Хаартыска: Мария Васильева, СИА.
Бэс ыйын 14-15 күннэригэр Үөһээ Бүлүү сэлиэнньэтигэр өрөспүүбүлүкэтээҕи эбии үөрэхтээһин систиэмэтин үлэһиттэрин «Педагог дополнительного образования: профессиональные вызовы – необходимые компетенции» диэн бастакы пуорума ыытыллыаҕа.
Тэрээһини СӨ Үөрэҕин уонна билимин министиэристибэтэ, Саха сирин эбии үөрэхтээһинин педагогтарын идэҕэ сатабылларын үрдэтэр уонна инники күөҥҥэ сылдьар уопуттары тарҕатар соруктаах ыытар.
Манна эбии үөрэхтээһин тэрилтэлэрин салайааччылара, педагогтара, мэтэдиистэрэ, улуустааҕы үөрэх управлениетын исписэлиистэрэ, биирдиилээн сэҥээрэр дьон кыттыахтара диэн этэллэр.
Үөһээ Бүлүү улууһун үөрэҕин управлениетын начаалынньыга Спиридон Борбуев: “Пуорум Үөһээ Бүлүү сэлиэнньэтин Түгэхтэй диэн сиригэр ыытыллыаҕа. Түгэхтэй бу икки күн оҕо эбии үөрэхтээһинин миэстэтигэр кубулуйуоҕа. Кыттааччыларга анаан үөрэх былаһааккалара, быыстапкалар, маастар-кылаастар, “төгүрүк остуоллар”, бырайыактыыр сиэссийэлэр, култуура бырагыраамаларабаар буолуохтара.
Бүгүҥҥү күн туругунан 20-тэн тахса улуус кыттарын туһунан сайаапкатын ыытта. Аан бастакытын ыытылларын быһыытынан, сэҥээрэр дьон элбэх. Эбии үөрэхтээһин хабар ыыра киэҥ. Манна ырыа, уруһуй, успуорт, байыаннай-патриотическай иитии, оҕо сынньалаҥын тэрээһинэ, лааҕыр, санаторий, технопаарка, уо.д.а. хайысхалар бары киирэллэр.
Кыттааччылары үөрэх тэрилтэлэринэн түһэриэхпит, аһатыахпыт. Тыһыынчаттан тахса киһи кэлэрэ сабаҕаланар, ыалдьыттары көрсөргө бэлэммит, — диэн санаатын үллэһиннэ.
Өлүөнэ өрүскэ муус харыыта тахсан, көрүөх бэтэрээ өттүгэр уу таһыма үрдээн, Өлүөхүмэ улууһун хас даҕаны…
Өлүөнэ мууһа бүгүҥҥү туругунан Хаҥалас улууһунан устар. Онон сотору кэминэн суудуналар сырыылара саҕаланыаҕа. СИА суруйарынан,…
Ыксаллаах быһыы-майгы Өлүөхүмэ уонна Ньурба улуустарыгар муниципальнай таһымҥа биллэриллэн, бу оройуоннарга тыҥааһыннаах кэм үүннэ. --…
VIII норуоттар икки ардыларынааҕы «Азия оонньуулара» кыттарга бэлэмнэнии чэрчитинэн, Саха сирин эдэр спортсменнара быйылгы сыл…
Бу күннэргэ тыа хаһаайыстыбатынан дьарыктанар бары көрүҥнээх хаһаайыстыбаларга сааскы ыһыы үлэтигэр бэлэмнэнэллэр диэн Нам улуһуун…
Ис дьыала министиэристибэтин Дьокуускайдааҕы 2-с нүөмэрдээх полициятын отделын дьуһуурунай чааһыгар, бу күннэргэ оскуола үлэһититтэн ноутбук…